Lá manigua̱ʼ mi̱dxu̱ʼ Náa Najuiʼsngúún bi̱ Nutaraʼa numuu Reino ráʼ.”

Á mu ikháán xtaʼdáá 23 ga̱jma̱a̱ 65 tsiguaʼ, natani káxi̱ ñajuunʼ Jeobá, tséʼniaʼ nandii ga̱jma̱a̱ nandaaʼ mi̱dxu̱ʼ gátañambáá náa ndayóoʼ majuiʼtáraʼa itháan, ndíjkha jngó tsétani majtíí mbá solicitud mu mi̱dxu̱ʼ Náa Najuiʼsngúún bi̱ Nutaraʼa numuu Reino rá. Asndu nákha nigi̱ʼdu̱u̱, mbaʼin a̱ngiu̱lú bi̱ nidamijná, a̱ngiu̱lú wa̱ʼxa̱ʼ, jiámá nini majtíí solicitud rígi̱. Mú, bi̱ itháan ndañúu̱nʼ ni̱ndxu̱ún jiámá. Atanda̱ʼa̱a̱ Jeobá rí mambáyáaʼ mu maxkajxi̱i̱n matani itháan ñajuunʼ ga̱jma̱a̱ dí matayaridáá a̱ʼdióo (Sl 40:8; Mt 20:28; Heb 10:7). Atatsaʼwáminaʼ rí xóo matani mu xátaxuʼdáminaʼ itháan gidxóó ga̱jma̱a̱ rí xaxmiéjuanʼ wéñuʼ ga̱jma̱a̱ numún bi̱ kúwá náa guʼwáaʼ, mu xúʼko̱ ma̱ndoo mi̱dxu̱ʼ náa escuela rígi̱.

Dí eni A̱ngiu̱lú bi̱ nirámúúnʼ náa escuela rígi̱ rá. Tikhun naxuʼmiin magún guñambáá náa nuthi imbo̱o̱ ajngáa o nutaraʼa náa nanúnjgún mbaʼin xa̱bu̱. Eʼwíínʼ nuñambáá xóo superintendente de circuito, sustituto o xóo misionero. Atatsaʼwáminaʼ xú káʼnii gátani mu matani itháan ñajuunʼ Jeobá, atayaridáá xkri̱da ndrígóo gaʼyee Isaías índo̱ niʼthí: “¡Gi̱jyooʼ xtáá ikhúúnʼ! Ataxúʼmún ikhúúnʼ” (Is 6:8).

NDA̱WA̱Á RÍ NITAYÁÁ VIDEO MISIONEROS BI̱ NIGÚN GÚYAMBÁÁ I̱MBA̱ NI̱ʼKHA̱ XUAJEN MU MUTARAʼA, ATRIʼÑA̱A̱ GRAXE̱ RÍGI̱:

• 

  Xú káʼnii ejuixtaʼwíin misioneros bi̱ nagún gúyambáá i̱mba̱ ni̱ʼkha̱ rá.

• 

  Xú káʼnii ñajunʼ eni̱ a̱ngiu̱lú bugi̱ rá.

• 

  Xú káʼnii eguma tsajkurámiinʼ a̱ngiu̱lú bugi̱ rá.