Guñewa̱a̱n matrimonio ndrígála

Jeobá ndaʼyoo rí nindxu̱u̱ mitsúʼkháan voto rí nini̱ bi̱ nidamijná ga̱jma̱a̱ ikhaa naʼthí dí gíʼmaa makuwá má xúʼko̱ mbóó (Mt 19:5, 6). Náa xuajñuu Jeobá kúwi̱i̱n mbaʼin matrimonio bi̱ kúwi̱i̱n gagi. Bi̱ nidamijná maguaʼdáá má xúʼko̱ xkujndu numuu rí nindxúu̱n xa̱bu̱ aʼkhá. Nditháan xundxa̱ʼwa̱míjna̱ dí á mu nuniñami̱jna̱a̱ o nuxkuʼturi̱ga̱a̱ i̱yi̱i̱ʼ mambáa xkujndu. Xú káʼnii gándoo cristianos muñewa̱a̱n matrimonio ndrígu̱ún rá.

Guʼyáá mbá witsu consejo.

1. Atie̱wa̱a̱n a̱jkia̱a̱nʼ, xátani xieʼwun ga̱jma̱a̱ʼ imba̱a̱, ga̱jma̱a̱ xáta̱ya̱a̱ náa nubu̱únʼ xa̱bu̱. Numuu dí rígi̱ naʼni gámbáa matrimonio (Mt 5:28; 2Pe 2:14).

2. Gambajxáaʼ májánʼ ga̱jma̱a̱ʼ Jeobá ma̱ngaa atani tsiakimínáʼ maraxtaa májánʼ ga̱jma̱a̱ʼ bi̱ ndiyáa xó má nanigu̱u̱ʼ Dios (Sl 97:10).

3. Atani má xúʼko̱ rí májánʼ ga̱jma̱a̱ araxnáá rí nanigu̱u̱ʼ bi̱ ndiyáa mu xúʼko̱ makuwáanʼ májánʼ (Col 3:8-10, 12-14).

4. Atayamajkuíí ga̱jma̱a̱ aratamíjná má xúʼko̱ ga̱jma̱a̱ʼ (Col 4:6).

5. Gusngajmá ngajua o rí nandala kuyamíjna̱ índo̱ kuwáanʼ rubala (1Co 7:3, 4; 10:24).

Índo̱ xa̱bu̱ gajmii nduyamajkuíí rí nudamijná, nusngajma rí nduyamajkuíí Jeobá numuu rí ikhaa ni’ni marigá matrimonio.

NDA̱WA̱Á RÍ NITAYÁÁ VIDEO GÍʼMAA MAʼNGULÚ MAGAYÚLÚ: GUʼNIMBANÍÍ MÁ XÚʼKO̱ IKHA NÁA MATRIMONIO, ATRIʼÑA̱A̱ GRAXE̱ RÍGI̱:

• 

  Maski ajndu matrimonio nakúwá májánʼ, mú ndiéjunʼ xkujndu ma̱ndoo marigá rá.

• 

  Xú káʼnii gándoo gámbañún ikha rí na̱ʼkha̱ náa Biblia bi̱ nidamijná á mu nakumu̱ún rí na̱nguá eñún kuyamijná xá.

• 

  Ndiéjunʼ ikha exnún Jeobá xa̱bu̱ bi̱ nidamijná rá.

• Ndiéjunʼ gíʼmaa muni̱ bi̱ nidamijná mu makuwá gagi xá.