Atraʼwíin májánʼ bi̱ mambajxáaʼ gajmiáanʼ

Rígá mbaʼa rí ma̱ndoo majmañulúʼ rí niguaʼnii israelitas náa xkua̱ ndrígóo Moab (1Co 10:6, 8, 11). Israelita nimbáxu̱u̱n gajmiún gu̱ʼu̱ moabitas bi̱ nuxudami̱jna̱ aʼkhá ga̱jma̱a̱ bi̱ ndiyamajkhún xándú, ikhiin niniríjíinʼ asndu niguanúu nibúúnʼ gajmiún, rígi̱ niʼni dí mumíniiʼ wéñuʼ (Nú 25:9). Xúʼko̱ má mangáanʼ nuñajunʼ gajmiúlúʼ xa̱bu̱ bi̱ na̱nguá eni̱ ñajuunʼ Jeobá, bi̱ na̱jkua̱ gajmiúlú escuela, bi̱ kuwáanʼ mijngii gajmiulúʼ, bi̱ kuʼñúún ma̱ngaa bi̱ nuniʼnúnʼ. Ndiéjunʼ gagiʼnulúʼ xóo má eʼthí náa relato rígi̱ dí gamíi mambaxúʼ gajmiulúʼ bi̱ na̱nguá eni̱ ñajuunʼ Jeobá rá.

NDA̱WA̱Á RÍ NITAYÁÁ VIDEO XKRI̱DA RÍ MA̱NDOO MAMBÁYULÚ RÍ MBIʼI XÚGI̱ (MBÁ XUÍʼTÓO), ATRIʼÑA̱A̱ GRAXE̱ RÍGI̱:

• 

  Káʼnii ku̱ma̱ nijmuu Zimrí ga̱jma̱a̱ eʼwíinʼ mu xúʼko̱ muni̱ jnga̱a̱ Jamín rá.

• 

  Xú káʼnii niʼni Finehás mu mambáyúu Jamín rá.

• Xú káʼnii mixtiʼkhu nindxu̱u̱ rí ma̱nindxa̱a̱ʼ májáanʼ xa̱bu̱ náa bi̱ na̱nguá eʼyamajkuu Jeobá, ki xóo ma̱nindxa̱a̱ʼ amigiu xá.

• Ndíjkha jngó gíʼdoo wéñuʼ numuu rí muraʼwíin májánʼ bi̱ mambaxúʼ gajmiúlú maski ajndu kúwá náa congregación rá.

• Ndíjkha jngó ragíʼmaa makuwáanʼlu náa nutamijná mbaʼin xa̱bu̱ bi̱ tseniʼnúlúʼ náa Internet rá.