Gaʼndulúʼ kuʼñúún bi̱ kúwá náa guʼwúlú

Rí maʼndún kuyamijná bi̱ mbá guʼwíin, rúʼko̱ gaʼni rí makuwá mbá jnduʼ. Numuu rí á mu tsíñún kuyamijná maʼni gakhi̱i̱ rí makuwá mbá jnduʼ ga̱jma̱a̱ rí mumbayumijná. Xú káʼnii gándoo xa̱bekha o gu̱ʼu̱ bi̱ ninuju̱nʼ ga̱jma̱a̱ xabuanii bi̱ guáʼdiin e̱ji̱n musngajmá rí nandún kuñúún bi̱ kúwá náa guʼún xá.

Mbáa xa̱biya̱ bi̱ nandoo kaʼyoo a̱ʼgiu̱u̱ mbaʼyoo rí ndayóoʼ, ga̱jma̱a̱ rí naʼni maxmiéjuunʼ (Ef 5:28, 29). Ikhaa maxnúún rí ndañúu̱nʼ bi̱ kúwá náa goʼwóo ga̱jma̱a̱ mambáñún mabájxu̱u̱n májánʼ gajmiún Jeobá, xóo rí munigajmaa mbá guʼwíin (1Ti 5:8). Mbáa a̱ʼgu̱ bi̱ nandoo kaʼyoo ajmbio̱o̱, maʼnimbo̱o̱ kaʼyoo ga̱jma̱a̱ mbaʼyamajkuu wéñuʼ (Ef 5:22, 33; 1Pe 3:1-6). Nájmi̱i̱n gíʼmaa rí muni mba̱a̱ a̱jkiu̱ún kuyamijná (Ef 4:32). Ga̱jma̱a̱ xabuanii bi̱ nandún kuñúún e̱jñún nuñewu̱u̱n májánʼ ga̱jma̱a̱ nusngúún rí maʼndún kuyáá Jeobá (Dt 6:6, 7; Ef 6:4). Ndiéjunʼ xkujndu eraʼníí e̱ji̱n náa escuela rá. Xú káʼnii eʼngu̱u̱n rí nutsijmiin a̱ngiu̱ún xá. Á mu nandún kuyamijná, rúʼko̱ gambáñun mu makuwá májánʼ.

NDA̱WA̱Á RÍ NITAYÁÁ VIDEO GUSNGAJMÁ NGAJUA RÍ NDITHÁAN XÁMBÁA NÁA MBÁ GUʼWÁANʼ, ATRIʼÑA̱A̱ GRAXE̱ RÍGI̱:

• 

  Xú káʼnii eñawu̱u̱n a̱ʼgiu̱u̱ mbáa xa̱bu̱ bi̱ nandoo kaʼyoo rá.

• 

  Xú káʼnii esngájma mbáa a̱ʼgu̱ bi̱ nandoo kaʼyoo ajmbio̱o̱ rí ndayamajkhuu rá.

• 

  Xú káʼnii enii tsiakimijna xabuanii mu musngúún e̱jñún ga̱jma̱a̱ numuu Dios rá.