Ndiéjunʼ eʼsngúlú xóo nixtáa Samuel rá.

Xúgíʼ mbiʼi rí nixtáa Samuel ninindxu̱u̱ jmbii náa Jeobá. Asndu nákhá chíʼgíiʼ na̱nguá niraʼwíí maʼni xó má nini̱ e̱ji̱i̱n Elí bi̱ mbiʼyuu Hofní ga̱jma̱a̱ Finehás, bi̱ nini̱ raʼkhí kayuuʼ (1Sa 2:22-26). Jeobá nimbáyúu má xúʼko̱ Samuel índo̱ ni̱jkha̱ ra̱ja̱a̱ (1Sa 3:19). Índo̱ nikhi̱i̱ niʼnimbo̱o̱ má xúʼko̱ kaʼyoo Jeobá maski ajndu e̱ji̱i̱n na̱nguá nini̱ xóo niʼni ikhaa (1Sa 8:1-5).

Ndiéjunʼ eʼsngúlú xkridoo Samuel rá. Jiámá ga̱jma̱a̱ wa̱ʼxa̱ʼ ma̱ndoo mbuyáá dí Jeobá nakro̱ʼo̱o̱ xkujndu dí nuraʼníí ga̱jma̱a̱ ndaʼyoo xóo kumala, ikhaa má gámbáyala dí xámiñalaʼ (Is 41:10, 13). Xabuanii bi̱ guáʼdiin e̱jñún bi̱ niniña̱a̱nʼ runi̱ ñajuunʼ Jeobá ma̱ndoo maʼni̱i̱ a̱jkiu̱ún índo̱ gúyáá dí Samuel na̱nguá niʼniún ga̱jma̱a̱ tsiakii e̱ji̱i̱n dí munimbáníí ikha ndrígóo Jeobá. Samuel niniñuuʼ náa ñawúunʼ Jeobá xúgíʼ xkujndu ndrígóo, ikhaa niwi̱ji̱ má xúʼko̱ jmbu ga̱jma̱a̱ niʼni rí maxtáa gagi Jeobá. Mbáa ga̱jma̱a̱ dí májánʼ xkri̱da eniña̱a̱nʼ xabuanii gáʼni rí e̱jñún matangi̱ín náa Jeobá.

NDA̱WA̱Á RÍ NITAYÁÁ VIDEO GAJMAÑULÚ GA̱JMA̱A̱ NUMÚN: SAMUEL, ATRIʼÑA̱A̱ GRAXE̱ RÍGI̱:

• 

  Xú káʼnii nisngájma Samuel dí támiñuu nákha chíʼgíiʼ rá.

• 

  Xú káʼnii nisngájma Danny dí támiñuu rá.

• 

  Ndiéjunʼ xkri̱da májánʼ niniñuuʼ Samuel índo̱ nikhi̱i̱ rá.

• 

  Ndiéjunʼ xkri̱da májánʼ nigíʼ anu̱u̱ ga̱jma̱a̱ ru̱dúu̱ Danny rá.