Gumbaʼñún bi̱ nuʼsngúún mu muniña̱a̱ʼ runi̱ dí Jeobá tsíyoo gáʼyoo

Mu nambájxu̱u̱n májánʼ gajmiún Jeobá bi̱ nuʼsngúún, ndayóoʼ muniñaaʼ dí ra̱májánʼ kúwá runi (1Pe 1:14-16). Á mu naʼngu̱u̱n nuniña̱a̱nʼ dí nindxu̱u̱ ra̱májánʼ, ikhú nandoo nakúwíin májánʼ gajmiún bi̱ kúwíin náa guʼwún, xáʼñúún wéñuuʼ nandii ga̱jma̱a̱ murajxi̱i̱ májánʼ mbújkha̱a̱.

Xátani a̱jma̱ a̱jkia̱a̱nʼ dí maratha̱a̱n xóo phú nindxu̱u̱ xtángoo ndrígóo Jeobá bi̱ narasngáá, aratháán náá numuu rí Jeobá na̱nda̱ʼa̱ dí maʼni xúʼko̱ ga̱jma̱a̱ xú káʼnii gámbáyúu á mu naʼnimbo̱o̱. Atambáyíí bi̱ narasngáá mu mariʼkhuu dí nandxa̱ʼwáminaʼ, ikhú ma̱ndoo maʼni rí naniguuʼ Jeobá (Ef 4:22-24). Aratháán dí Jeobá maxtáa má xúʼko̱ ga̱jma̱á nindxu̱u̱ mu mambáyúu maʼngo̱o̱ maniñuuʼ mbá dí ra̱májánʼ (Flp 4:13). Aratháán dí mbá nacha̱ gaʼtákháñuu Jeobá índo̱ nagua̱ʼa̱ maʼni mbá aʼkhá. Atambayíí mbaʼyoo ga̱jma̱a̱ maʼnigaʼduun náa dí gamíi maʼga kayáa maʼni mbá dí ra̱májánʼ, ma̱ngaa dí mbayáʼ maʼni rí ma̱ndoo mambáyúu ki xóo maʼni dí xkawiʼ. Índo̱ gáta̱ya̱a̱ rí bi̱ narasngáá nariʼkuminaaʼ ga̱jma̱a̱ tsiakii ndrígóo Jeobá, rúʼko̱ gáʼni dí maraxtaa gagi.

NDA̱WA̱Á RÍ NITAYÁÁ VIDEO GUMBAʼÑÚN BI̱ NUʼSNGÚÚN... MUNIÑA̱A̱ʼ RUNI̱ DÍ JEOBÁ TSÍYOO GÁʼYOO, ATRIʼÑA̱A̱ GRAXE̱ RÍGI̱:

• 

  Xú káʼnii nini bi̱ kuya̱ edxu̱u̱ ga̱jma̱a̱ Rita índo̱ niʼthí Coral dí najmuu marihuana rá.

• 

  Ndiéjunʼ niʼni Rita mu mambáyúu Coral rá.

• 

  Ndiéjunʼ niʼni Coral mu Jeobá mambáyúu rá.