Ga̱jmáaʼ jw.org mu mataxkamaa consejo dí mambáyáaʼ

Náa Ajngáa rawuunʼ Dios nuxkaʼmaa xúgíʼ dí ndayúlú mu maʼngulú makuwáanʼ náa iwáá mbiʼi rígi̱ (2Ti 3:1, 16, 17). Nguáná ndayúlú ikha ga̱jma̱a̱ consejo índo̱ nuraʼníí mbá dí mingíjyúuʼ. Xóo índo̱ nuʼni mba̱ji̱i̱n e̱jñu̱lú, índo̱ nakháñuu mbáa bi̱ ndiʼyáa. Á mu nindxa̱a̱ʼ dxámá o dxáʼgú mbáa natraʼníí xkujndu dí naʼni makáwabaaʼ fe ndrígáaʼ. Náa jw.org nuxkaʼmaa artículo náa kagu̱ ikha ndrígóo Biblia dí ma̱ndoo mambáyúlú mbuʼyáá ndiéjunʼ guʼni índo̱ nuraʼníí ga̱ʼkhu xóo rígi̱ o i̱ʼwáʼ. (Pr 2:3-6).

Índo̱ gata̱ʼa̱a̱ʼ náa jw.org ma̱ndoo mi̱dxu̱ʼ náa “Biblioteca” ga̱jma̱a̱ atraʼwíí dí matraxnuu (timbá xtiʼkhuu). O ata̱ʼa̱a̱ʼ náa naʼthí “Ga̱jma̱a̱ numuxuʼ”, nda̱wa̱á ayuʼ náa “Graxe̱ dí naguma má xúʼko̱” ga̱jma̱a̱ atraʼwíí dí matraxnuu (ragajma xtiʼkhuu). Mataxkamaa ma̱ngaa náa JW Library^®.a Ndíjkha dí tsitríyáʼ mbóo mbiʼi matraxnuu mbáa artículo dí na̱ʼkha̱ ikhí rá. I̱mba̱ rí xóo ma̱ndoo matani nindxu̱u̱ dí mataniraʼmáʼ mbáa tema dí nandaaʼ mata̱ya̱a̱ náa (lupa dí nakujmaa náa jw.org).

Ataniraʼmáʼ tema rígi̱ náa mataʼyáʼ ga̱jma̱a̱ artículo dí manigua̱a̱ʼ maraxnuu:

• E̱ji̱n

• Mbújkha̱a̱

• Xa̱bu̱ gajmii