XÓO KUWÁANʼ BI̱ NI̱NDXU̱LÚ CRISTIANOS
Atayáá ndiéjunʼ endxaʼwamínáʼ Jeobá
Nandulú dí Jeobá maʼdxuu kaʼyulú ikha jngóo ndaʼyóoʼ mbuʼyáá á mu dí nuraʼwíí muʼni xóo má ikhaa endxa̱ʼwa̱mínáʼ, maski ajndu na̱nguá rígá náa naʼthúlú mbájmbu ndiéjunʼ guʼni (Pr 27:11). Xkáʼnii gájmáánʼ guʼni rígi̱ rá.
Muʼnigajmaa Biblia xúgíʼ mbiʼi. Mambá índo̱ nuraxnuu Biblia nindxu̱u̱ xóo kuwáanʼ gajmiúlú Jeobá. Rí mbuʼyáá xóo Jeobá niñewu̱u̱n xa̱bi̱i̱ ga̱jma̱a̱ mundxaʼwamíjná xkri̱da dí májánʼ ga̱jma̱a̱ dí ra̱májánʼ dí niniñaaʼ xa̱bu̱ bi̱ naʼthí ga̱jma̱a̱ numún náa Biblia mambáyulú mbuʼyáá xú káʼnii endxaʼwamínáʼ Jeobá. Índo̱ gaʼndulúʼ muraʼwíí mbá dí muʼni, espíritu santo gaʼni dí marmáʼáan a̱jkiu̱lú ikha dí nijmañulú náa Biblia (Jn 14:26).
Mbuʼyáʼ majmañulú itháán. Nákha xóó tsétraʼwíí dí matani̱, atraximinaʼ: “Xkáʼnii versículo o mbá dí na̱ʼkha̱ raʼthí náa Biblia ma̱ndoo mambáyuʼ mba̱yo̱o̱ ndiéjunʼ endxa̱ʼwa̱mínáʼ Jeobá ga̱jma̱a̱ numuu dí maraʼwíí mani rá”. Atanda̱ʼa̱a̱ Jeobá dí mambáyáaʼ ma̱ngaa gajmaaʼ xúgíʼ i̱yi̱i̱ʼ dí rígá náa ajngáaʼ, mu mataxkamaa ga̱jma̱a̱ mataʼgíʼ matanimbaníí ikha dí kagu̱ náa Biblia náa gaʼkhu dí xtáá ratraʼníí (Sl 25:4).
NDA̱WA̱Á RÍ NITAYÁÁ VIDEO GÍʼMAA MAʼNGULÚ MAGAYÚLÚ: GUPHI’TSU MÁJÁNʼ ATRIʼÑA̱A̱ GRAXE̱ RÍGI:
Ndiéjunʼ niraʼnuu ndxáʼgú bi̱ na̱ʼkha̱ náa video rá.
Xkáʼnii gándoo gámbáyáaʼ ikha dí kuaʼdáálu mu muʼnigajmaa índo̱ gátraʼníí mbóoʼ xkujndu xóo rúʼko̱ rá.
Xú káʼnii gambáyulú dí muriʼyáʼ mbiʼi muʼnigajma̱a̱ ga̱jma̱a̱ mbuʼyáʼ itháán makru̱ʼu̱lú ga̱jma̱a̱ numuu mbá dí muraʼwíí muʼni rá. (Heb 5:13, 14).