GÍʼDOO NUMUU RÍ NA̱ʼKHA̱ NÁA BIBLIA

Jeobá maxtáa má xúʼko̱ ikhí

Jeobá niʼthí ga̱jma̱a̱ numuu templo: “Niraʼwíí maxtáá gi̱i̱” (2Cr 7:11, 12).

Jeobá niraʼwíí maxtáa má xúʼko̱ náa templo náa guʼwá dí nayéjkha̱ mbiʼyuu, xóo muʼthá, dí maxtáa xawii mu mbaʼyoo xúgííʼ dí garigá ikhí (2Cr 7:16; w02 15/11 5 kutriga̱ 1).

Á mu israelita nuniña̱a̱nʼ runi̱ ñajuunʼ Jeobá ga̱jma̱a̱ xúgííʼ a̱jkiu̱ún, ikhaa maniñuuʼ dí muni̱ gámbáa templo (2Cr 6:14; 7:19-21; it-2 1098 kutriga̱ 3).

Xtiʼkhuu náa nakujmiin a̱ngiu̱lú nduyamajkuíí Jeobá. 1. Mbáa ndxájulú naʼtájkháan. 2. Mbáa ndxájulú a̱ʼgu̱ naxná comentario náa reunión. 3. Xa̱bu̱ bi̱ nidamijná nutaraʼa. 4. Mbáa ndxájulú naʼni kaʼwii náa guʼwá nagimbáanʼ. 5. Mbáa ndxájulú naʼniga̱jma̱a̱ gajmíi̱n bi̱ kúwíin náa goʼwóo. 6. Mbáa ndxájulú a̱ʼgu̱ naguxnuu Biblia. 7. Mbáa ndxájulú a̱ʼgu̱ narajkuáa mbújkha̱a̱ náa caja.

Índo̱ niguma ndxo̱o̱ templo israelita nindxaʼwamíjna̱ dí mbuyamajkuíí má xúʼko̱ Jeobá. Mú phú ngíná dí nda̱wa̱á nindáti̱gu̱u̱n gagi dí nuni̱ ñajuunʼ Jeobá.

ATRAXI̱MÍNÁʼ: Xkáʼnii esngajmá dí na̱ni̱ ñajuunʼ Jeobá ga̱jma̱a̱ xúgííʼ a̱jkiu̱nʼ rá.