Ikháán ma̱ndoo matani̱ rí bi̱ kúwá náa guʼwáaʼ makuwá gagi

Jeobá nandoo rí bi̱ mbá guʼwíin makuwá gagi (Sl 127:3-5; Ec 9:9; 11:9). Mú, nguáná ga̱jma̱a̱ numuu xkujndu dí narígá náa numbaaʼ o rí nakiéʼkulu gamíi maʼni rí mandáti̱ga̱a̱ gagi dí guáʼdáá. Ndiéjunʼ gándoo maʼni mámbáa dí ikhiin mu xúʼko̱ xúgíinʼ makuwá gagi xá.

Xa̱bu̱ bi̱ májáanʼ ndaʼyamajkuu a̱ʼgiu̱u̱ (1Pe 3:7). Naríyaʼ mbiʼi mu maxtáa ga̱jma̱a̱, tsétsudaa wéñuʼ ga̱jma̱a̱ naxnáa núma̱aʼ ga̱jma̱a̱ numuu xúgíʼ dí naʼni ga̱jma̱a̱ numuu ikhaa ma̱ngaa bi̱ kúwá náa goʼwóo (Col 3:15). Naʼthúu̱n rí nandoo kaʼyoo ga̱jma̱a̱ ndaʼyamajkuu (Pr 31:28, 31).

A̱ʼgu̱ bi̱ májánʼ a̱jkiu̱u̱n naʼniminaʼ rí mambáyúu ajmbio̱o̱ (Pr 31:12). Naʼnimbo̱o̱ dí naʼthúu̱n ajmbio̱o̱ ga̱jma̱a̱ nambáyúu (Col 3:18). Naʼthúu̱n ga̱jma̱a̱ gamajkhu ma̱ngaa naʼthúún eʼwíinʼ dí májánʼ ga̱jma̱a̱ numuu ajmbio̱o̱ (Pr 31:26).

Xabuanii bi̱ májánʼ a̱jkiu̱ún nuríyaʼ mbiʼi mu makuwíin gajmiún e̱jñu̱ún (Dt 6:6, 7). Nuthún rí nandún kuñún (Mt 3:17). Nduyáá nguáná ga̱jma̱a̱ xú káʼnii gúxprigún, mú tsériñún (Ef 6:4).

E̱ji̱n bi̱ májánʼ a̱jkiu̱ún nduyamajkhún ga̱jma̱a̱ nunimbu̱ún kuñún anu̱ún (Pr 23:22). Nuthún rí nundxaʼwamíjna̱ ga̱jma̱a̱ xóo kúwá. Nudxawíín xtágabu dí nuxnún ga̱jma̱a̱ nduyamajkhún (Pr 19:20).

NDA̱WA̱Á RÍ NITAYÁÁ VIDEO XÓO GAKUWAANʼ GAGI MBÁ GUʼWÁANʼ, ATRIʼÑA̱A̱ GRAXE̱ RÍGI:

Ndiéjunʼ ni’ni mámbáa dí ikhiin mu xúgíinʼ makuwá gagi xá.