Ndiéjunʼ metas xtaʼdáá matani̱ náa tsiguʼ rí na̱ʼkha̱ rá.

Rí muʼgímijná mu̱ʼni̱ itháán ñajuunʼ Jeobá maʼni rí maʼdxuu. Magiʼdoo numuu xúgíʼ mbiʼi ga̱jma̱a̱ tsiakii dí gúʼni̱ numuu dí rúʼko̱ mambáyulú manindxu̱lú itháán májáanʼ xa̱bu̱ (1Ti 4:15). Ndíjkha rí ndayóoʼ matanga̱ánʼ mbuʼyáá má xúʼko̱ metas ndrígulú rá. Numuu rí naxtiʼkhuu xóo kuwáanʼlu. Mbáa nguáná marigá tikhu metas rí ní xáʼngulú gúʼnimbánii o rígá rí niʼngulú má niʼnimbánii, ikha jngóo ma̱ndoo muguaʼdáá i̱mba̱ meta.

Índo̱ inuu magi̱ʼdu̱u̱ i̱mba̱ tsiguʼ ma̱ndoo matanga̱án mbuʼyáá metas ndrígulú. Ma̱ndoo muʼtámijná ga̱jma̱a̱ numuu rígi̱ índo̱ gúʼnigajmaa mbá guʼwáanʼ. Xóo meta rí nanigu̱u̱ʼ maʼni mámbáa o dí muʼgímijnala mu̱ni̱ mbá guʼwáanʼ.

Náá guáʼyaa dí nitagíminaʼ matani̱ dí na̱ʼkha̱ gi̱i̱ rá. Ndiéjunʼ gátani̱ mu maʼngaaʼ matanimbánii rá.