XÓO KUWÁANʼ BI̱ NI̱NDXU̱LÚ CRISTIANOS
Jeobá naʼni káwíin bi̱ nagawúunʼ a̱jkiu̱ún
Xúgiáánʼ má nakuwáanʼ ngíná nguáná. Dí maraxtaa ngíná, raʼkháa rúʼko̱ eyoo gáʼthúu̱n dí tsémbájxa̱a̱ʼ májánʼ ga̱jma̱a̱’ Dios. Nguáná asndu Jeobá naxtáa gíná (Gé 6:5, 6). Mú ndiéjunʼ gándoo muʼni á mu xúgíʼ mbiʼi kúwáanʼ má xúʼko̱ gíná rá.
Atanda̱ʼa̱a̱ Jeobá rí mambáyáaʼ. Ikhaa naxmiéjuunʼ wéñuʼ eʼnilú, tsíyoo rí maʼniulú nandii. Ikhaa ndaʼyoo índo̱ kuwáánʼ ngíná o nadxulú. Ikhaa ndaʼyoo ndiéjunʼ eʼni dí makuwáanʼ xúʼko̱ kaʼnii (Sl 7:9b). Mú rí itháan gíʼdoo numuu, Jeobá ma̱ndoo mambáyúlú índo̱ kuwáanʼ ngíná numuu rí ikhaa gajkhun dí naxmiéjuunʼ kaʼyulú (Sl 34:18).
Atie̱wa̱a̱n rí xóo natatsaʼwáminaʼ. Dí matatsaʼwamínáʼ dí raʼkhí ra̱ʼkhá i̱ndó naʼni dí xáraxtaa tsímáá, ma̱ngaa ma̱ndoo maʼni gachúu xóo nambájxulú gajmiúlú Jeobá. Ikha jngóo gíʼdoo wéñuʼ numuu muñewa̱a̱n a̱jkiu̱lú, xóo muʼthá, dí xóo xa̱bu̱ nindxu̱lú awúún, xóo rí nakumulú ga̱jma̱a̱ dí nundxaʼwamíjna̱ (Pr 4:23).
NDA̱WA̱Á RÍ NITAYÁÁ VIDEO A̱NGIU̱LÚ KÚWÁ TSÍMÁÁ MASKI AJNDU NAJMÚN WÉÑUʼ, ATRIʼÑA̱A̱ GRAXE̱ RÍGI:
Ndiéjuunʼ niʼni Nikki mu maʼngoo maʼni ga̱jma̱a̱ nandii dí gíʼdoo rá.
Xú kaʼnii ndiʼyoo Nikki rí ndayóoʼ maʼga náa médico rá. (Mt 9:12.)
Ndiéjuunʼ niʼni Nikki mu mambáyuminaʼ náa Jeobá rá.