XÓO KUWÁANʼ BI̱ NI̱NDXU̱LÚ CRISTIANOS
Xabuanii, e̱jña̱la ma̱ngaa ma̱ndoo mani̱ndxu̱ún xa̱bu̱ nduyáá
Mbá rí ma̱ndoo matani̱ mu e̱jña̱a̱ʼ mani̱ndxu̱ún xa̱bu̱ nduyáá náa iduu Jeobá, nindxu̱u̱ rí matambáñún mu mugíiʼ edxu̱ún náa reunión rí nuguaʼdáálú. Rí nduyáá, rí nudxawíín ga̱jma̱a̱ comentario rí nuxna ma̱ndoo mambáñún majmañún itháan ga̱jma̱a̱ numuu Jeobá ga̱jma̱a̱ dí mambáxu̱u̱n gajmiún (Dt 31:12, 13). Mú, xú káʼnii gándoo gátambáñún e̱jña̱a̱ʼ náa reunión rá.
Atani̱ xó má eʼngo̱o̱ mu mi̱dxu̱ʼ reunión náa guʼwá nagimbáanʼ (Sl 22:22).
Atani̱ tsiakimijna mu e̱jña̱a̱ʼ mutamijná gajmiún a̱ngiu̱lú nákhá xóó tségi̱ʼdu̱u̱ ga̱jma̱a̱ índo̱ naguámbá reunión (Heb 10:25).
Atayáá á mu dí náa guʼwáaʼ xúgíinʼ má guáʼdáá i̱yi̱ʼ (o i̱yi̱ʼ electrónico) dí najmulú náa reunión.
Atambáñún e̱jña̱a̱ʼ mu muxna comentario ga̱jma̱a̱ ajngún (Mt 21:15, 16).
Arathá má xúʼko̱ dí májánʼ ga̱jma̱a̱ numuu reunión ga̱jma̱a̱ dí najuiʼsngáa ikhí.
Atambáñún e̱jña̱a̱ʼ mu muyambáá náa ñajunʼ dí naguma, xóo índo̱ naguma kaʼwi̱i̱ Guʼwá náa Nagimbáanʼ ga̱jma̱a̱ gutamijná gajmiún a̱ngiu̱lú xabuanii.
A mu anu̱u̱ ada̱ ñajuaanʼ, mbáa nguáná maku̱ma̱a̱ʼ dí gakhi̱i̱ wéñuʼ xúgíʼ ñajunʼ dí gáʼyóoʼ matani̱ mu matambáyíí a̱ʼdiáaʼ mu makuʼmaminaʼ náa Jeobá. Mú na̱nguá xtaa mbáwíín, xtáa Jeobá mambáyaaʼ (Is 40:29).
NDA̱WA̱Á RÍ NITAYÁÁ VIDEO XABUANII, JEOBÁ MAXNÁLA TSIAKII, GAKUMALA KUYA̱A̱, ATRIʼÑA̱A̱ GRAXE̱ RÍGI:
Ndiéjunʼ niʼni maʼñuu Miguel ga̱jma̱a̱ Lidia dí néʼngu̱u̱n rá.
Náá numuu dí xabuanii gíʼmaa munda̱ʼa̱a̱ Jeobá dí maxnún tsiakii rá.
Ndiéjunʼ niʼni Miguel ga̱jma̱a̱ Lidia mu mumbayímijná náa Jeobá rá.