16-22 ÑAJUNʼ GU̱Nʼ JUNIO
PROVERBIOS 18
Ajmúú 90 ga̱jma̱a̱ muʼtájkáan | Najuiʼthá índo̱ nagi̱ʼdu̱u̱ (1 min.)
1. Araxnún tsiaki̱i̱ bi̱ naʼniún nandii
(10 min.)
Gajmulú Ajngá rawunʼ Dios mu muʼthá rí mámbáñún eʼwíinʼ (Pr 18:4; w22.10 22 kutriga̱ 17).
Gakrua̱ʼa̱a̱ʼ xóo ekumu̱ún (Pr 18:13; w20.04 15, 16 kutriga̱ 6, 7).
Gakrua̱ʼa̱a̱ʼ xtañún ga̱jma̱a̱ atambáñúún bi̱ nambájxa̱a̱ʼ gajmiáanʼ (Pr 18:24; wp23.1 14, 15).
ATRAJXI̱MÍNÁʼ: “Xú káʼnii gámbáyúu a̱ʼgiu̱ʼ o a̱jmbio̱ʼ á mu gíʼdoo mbá nandii rá.”
2. Guʼyáʼ rí gíʼdoo numuu
(10 min.)
Pr 18:13. Ndiéjunʼ ejmañulúʼ náa versículo rígi̱ rá. (w18.08 3 kutriga̱ 1.)
Náa nitraxnuu Biblia xmáná rígi̱, ndiéjunʼ rí gíʼdoo numuu nanigua̱a̱ʼ marata rá.
3. Migixnuu Biblia
(4 min.) Pr 18:1-17 (th kíxnuu 11).
4. Atagíʼdi̱i̱ marata̱
(1 min.) MÁMBÁ GUʼWÁ. Xa̱bu̱ naʼthí imbo̱o̱ ajngáa (lmd kíxnuu 2 punto 5).
5. Atanga̱án gátayaa xa̱bu̱
(3 min.) NÁA KUWA MBA’IN XA̱BU̱. Xa̱bu̱ naʼtháanʼ dí xájyáaʼ wéñuuʼ (lmd kíxnuu 7 punto 4).
6. Atanga̱án gátayaa xa̱bu̱
(3 min.) ASNDU NÁA. Arasngáa xa̱bu̱ mbá dí gíʼdoo numuu ga̱jma̱a̱ numuu Xa̱bu̱ Ñajunʼ ndrígóo Dios (lmd kíxnuu 9 punto 5).
7. Guʼthá dí nuʼnimbulú
(4 min.) Demostración. ijwfq artículo 30. Edxu̱u̱: Náa numuu rí bi̱ nutaraʼa numuu Jeobá tséjmún cruz rá. (lmd kíxnuu 5 punto 5.)
Ajmúú 144
8. Tséyóo má muʼthá mu mumbáyilú mbáa
(15 min.) Arathá gajmiáanʼ bi̱ kúwá ikhí.
Mbáa ikháán natatsiniiʼ mbáa bi̱ nandaaʼ rí maʼni ñajuunʼ Jeobá. Mbáa ajmbia̱a̱ʼ, a̱ʼgia̱a̱ʼ, a̱ʼdiáaʼ o mbáa bi̱ nambájxa̱a̱ʼ ga̱jma̱a̱ bi̱ niʼni tsínguminaʼ náa congregación. Lá mbá miʼtsu índo̱ nindaaʼ maratha̱a̱n dí maʼni ñajuunʼ Jeobá, niratá ga̱jma̱a̱ ajngáa mijkoo, dí maski ajndu ikháán nindaaʼ matambáyíí, mú niʼni dí itháán maʼni tsínguminaʼ náa Jeobá xáʼ. (Pr 12:18.) Ndiéjunʼ gándoo muʼni mu ma̱ndoo mumbayíí xá.
Náa 1 Pedro 3:1 na̱ʼkha̱ raʼthí dí mbáa a̱ʼgu̱ ma̱ndoo maʼni dí ajmbio̱o̱ maʼgánú maʼnimbo̱o̱ ga̱jma̱a̱ numuu xkri̱da ndrígóo, maski ajndu ajmbio̱o̱ tsíyoo dí maʼthúún ga̱jma̱a̱ numuu Biblia. Mú ndxájulú ma̱ndoo mambáyúu ajmbio̱o̱ maʼniniiʼ Jeobá á mú ikhaa nagíminaʼ maʼnimbánuu dí naʼthí náa Biblia, nasngájmuu dí nandoo kaʼyoo, nanindxu̱u̱ májáanʼ a̱jkiu̱u̱n, naraʼwíí májánʼ dí maʼni. Rígi̱ gámbáyúu ajmbio̱o̱ mu maʼndoo maʼga kanuu náa Jeobá (Pr 16:23). Á mu ikháanʼ nani̱ndxu̱lú mbáa májáanʼ xa̱bu̱ ga̱jma̱a̱ nuʼthá ajngáa wabaʼ, rígi̱ gámbáñún bi̱ nandulúʼ kuʼñúún mu muni̱ ñajuunʼ Jeobá (Col 4:6).
Atagrígu VIDEO Naʼngu̱u̱n numuu rí guaʼdáá fe: Bi̱ guaʼdiin ajmbiu̱ún o guʼñún bi̱ tsénigajmaa Biblia. Nda̱wa̱á atani̱ grajxe̱ rígi̱:
Ndiéjunʼ ejmañulúʼ náa xkridoo ndxájulú Sasaki rá.
Ndiéjunʼ ejmañulúʼ náa xkridoo ndxájulú Ito rá.
Ndiéjunʼ ejmañulúʼ náa xkridoo ndxájulú Okada rá.