4. Lá niʼniáanʼ Dios mu mumíniiʼ ráʼ.

Ndíjkha gíʼdoo numuu mbuʼyáá xóo extiʼña̱a̱ rá.

Numuu dí rúʼko̱ masngájma xóo eʼyáá vida.

Atatsaʼwáminaʼ rígi̱

Lá magiʼdoo numuu rí Dios maʼni mbá numbaaʼ mitsaanʼ ga̱jma̱a̱ maʼni makuwáanʼ náa tsingíná ráʼ.

Tikhun xa̱bu̱ bi̱ na̱nguá guáʼdáá mbá religión najmún tsingíná mu muthi náa numuu niʼniáanʼ Dios o muthi rí nda̱wa̱a̱ mbáa bi̱ Niʼniáanʼ. Nakumu̱ún rí tsingíná nasngájma ajtsú enii rígi̱: 1) Rí Dios xáʼngo̱o̱ gáʼni gámbáa tsingíná, 2) rí tsíyoo gáʼni gámbáa o 3) rí Dios nda̱wa̱a̱.

Mú, lá rígá i̱mba̱ numuu ráʼ.

Rí naʼthí náa Biblia

Dios táʼniáanʼ mu mumíniiʼ

Ikhaa nandoo makuwáanʼ tsímáá.

“Nda̱a̱ imbo̱o̱ rí itháan májánʼ náa ikhiin [xa̱bu̱ numbaaʼ] rí maʼdxúún ga̱jma̱a̱ muni rí májánʼ náa vida ndrígu̱ún, ma̱ngaa rí xúgínʼ guphiʼtsu ga̱jma̱a̱ muwa̱a̱n ga̱jma̱a̱ gakuwa tsímáá ga̱jma̱a̱ xúgíʼ ñajunʼ gakhi̱i̱ rí nini. Rúʼko̱ nindxu̱u̱ mbá regalo rí nixná Dios” (ECLESIASTÉS 3:12, 13).

Índo̱ Dios niʼni̱i̱ Adán ga̱jma̱a̱ Eva, xúgíʼ nindxu̱u̱ májánʼ

Dios táʼndoo rí ikhiin gajmiún e̱jñún mumíniiʼ.

“Dios niʼni tsajkurámiinʼ ga̱jma̱a̱ niʼthún: ‹Gaguaʼdíin mbaʼin e̱jña̱la, gaʼni mbaʼánʼ, gakuwáanʼ náa xúgíʼ tsu̱du̱u̱ ku̱ba̱ʼ ga̱jma̱a̱ gutañájunʼ›” (GÉNESIS 1:28).

Timbíin xa̱bu̱ numbaaʼ niraʼwi̱i̱ rí xúnimbu̱ún kuyáá Dios

Rí túnimbu̱ún ni̱ʼni̱ rí mumíniiʼ wéñuʼ gajmiún e̱jñún.

“Ga̱jma̱a̱ numuu mbáwíi xa̱bu̱ nito̱ʼo̱o̱ aʼkhá náa numbaaʼ. Ma̱ngaa rí nakháñulú nito̱ʼo̱o̱ ga̱jma̱a̱ numuu aʼkhá, rí nakháñulú nigadráʼa náa xúgínʼ xa̱bu̱ numuu rí xúgínʼ xa̱bu̱ nixuda̱mi̱jna̱ aʼkhá” (ROMANOS 5:12).a

Dios niʼniáanʼ mu mundrígú ikha

Xó má ikháanʼ na̱nguá nigumáanʼ mu makuwáanʼ náa iyaʼ, xúʼko̱ má na̱nguá nigumáanʼ mu muʼtáñajumijnálú.

“Xa̱bu̱ numbaaʼ na̱nguá kaʼyoo maʼtañajuminaʼ” (JEREMÍAS 10:23).

Dios tsíyoo rí mumíniiʼ

Ikhaa naxnúlú mbaʼa ikha mu xaguaʼdáá mbaʼa xkujndu.

“¡I̱ndó á mu natagíiʼ edxa̱ʼ náa rí natañájunʼ! Ikhú maraxtaa tsímáá xóo mbá mañu” (ISAÍAS 48:18).