Kíxnuu 1

Xú jáʼnii gandoo matatsiʼnuu rí e̱nda̱ʼa̱ Dió

Káʼnii lá rí phú xtáa raʼthi ná ajngáa raunʼ Dió rí giʼdo wéñuʼ numuu. (1)

Tsáa lá bí niʼni ajngáa raunʼ Dió. (2)

Ndiájngóo giʼmáánʼ ikháánʼ mathatsiga̱jma̱a̱ ajngáa raunʼ Dió. (3)

1. Rí nimináanʼ Dió giʼdo wéñuʼ numuu ikhaa má ajngáa raunʼ. Ndu xóó mbáá xa̱bu̱ bí naʼni a̱jkiu̱u̱n kaʼñun e̱ji̱i̱n nakuʼma i̱yi̱i̱ʼ mbuyaa. Naʼtulúʼ rí gajkhun ga̱jma̱a̱ numuu Dió: tsáa lá nindxu̱u̱ ikhaa mangoo náa biʼyaa xtángoo ndrigóó. Naʼtulúʼ xú jáʼnii guraʼní xkujndu, mangoo xú káʼnii phú guxkamaa rí makuwanʼ tsímáá. Indió ajngáa raunʼ Dió naʼtulúʼ káʼnii kuaʼda muʼni mú mandoo manigu̱ʼ Dió (Rí huasjŋgajma Juan [Apocalipsis] 1:3; Isaías 48:17, 18).

2. A̱jma̱ skiñúnʼ xa̱bu̱ bí nini ajngáa raunʼ Dió, rí niguma xúgíʼ ndijyúú xóo mbá míí majun mú sientu tsiguʼ nigiʼdu̱u̱ nini tsiguʼ 1513  nákha xóo tse̱ʼkha̱ Jesús. Ajtsú skiñuʼ majun mú i̱yi̱i̱ʼ rígi̱. Dió niʼthún xa̱bu̱ bugi xú káʼnii guni ná i̱yi̱i̱ʼ, nini xóo endxaʼwámináʼ Dió ra̱ʼkháa xóo e̱ndxa̱ʼwa̱mi̱jna̱ ikhíínʼ. Ikha jngó ra̱ʼkháa mbáá xa̱biya̱ bí niʼni ajngáa raunʼ Dió, bí niʼni ikhaa má Dió bí xtáa mekuíí (2 Timoteo 3:16, 17; 2 Pedro 1:20, 21).

3. Dió nindoo rí ajngáa raunʼ ikhaa magajnúú xtiʼkhuu xú phú ikhaa mangoo mú marigá má xúʼkhii̱n. Indió ajngáa raunʼ Dió eguma mbaʼa xtiʼkhuu nangua xúʼkhii̱n iʼwáá i̱yi̱i̱ʼ. Ra̱ʼkháa xúgínʼ gaʼdxuun rí mathatsiga̱jma̱a̱ Biblia, mú xathatsiʼñaminaʼ rí ikhaa garikhaʼ. Rí matatsiʼnii Dió mangoo matani rí enigu̱ʼ mambayaaʼ maraxtaa kámuu mbiʼi maskijndu eʼwíínʼ xa̱bu̱ xaʼndun rí ikháánʼ mathatsiga̱jma̱a̱ (Mateo 5:10-12; Juan 17:3).