NÍʼKHÓO 9

Nguáná gáʼni̱i̱ Ku̱ba̱ʼ mitsaan rá.

Xkujndu dí rígá náa tsu̱du̱u̱ ku̱ba̱ʼ nasngájma rí Reino ndrígóo Diúu̱ ma̱ʼkha̱ nacha̱ (Lucas 21:10, 11; 2 Timoteo 3:1-5)

Xkujndu dí narígá náa iwáá mbiʼi: Gitsíin náa nuda̱a̱ʼ mbújkha̱a̱ ʼ, guerras, nandii, ewiʼ, tsénimbu̱ún kuñún anu̱ún ga̱jma̱a̱ nuxnún guʼñu̱ún

Náa Biblia niʼtáriyaʼ mbaʼa rí xtáa rarígá xúgi̱. Niʼthí rí xa̱bu̱ maʼndún muguaʼdáá wéñuʼ mbújkha̱a̱, e̱ji̱n xúnimbu̱ún kuñún anu̱ún ga̱jma̱a̱ ru̱du̱ún, makiʼníin wéñuʼ rí asndu maʼndún muxnamijne̱, ga̱jma̱a̱ maʼndún muguaʼdáá ma̱ngaa muni̱ rí nanigu̱nʼ ikhiin.

Niʼthí rí maʼxma wéñuʼ, marigá aguʼ mba̱ʼu̱, ní xárígá wéñuʼ ganitsu ga̱jma̱a̱ marigá asndu náa nandii. Xúgíʼ rígi̱ xtáa rarígá rí mbiʼi xúgi̱.

Mbáa testigo de Jeobá naʼthúu̱n ajngáa rí májánʼ mbáa xa̱bu̱

Ma̱ngaa Biblia niʼtáriyaʼ rí ajngáa májánʼ ndrígóo Reino miʼtáraʼa xúgíʼ tsu̱du̱u̱ Ku̱ba̱ʼ (Mateo 24:14).

Reino ndrígóo Diúu̱ maʼni gámbáa xúgíʼ dí ra̱májánʼ (2 Pedro 3:13)

Naguma gámbíin xa̱bu̱ ra̱míjíinʼ náa Armagedón, nda̱wa̱á namínúuʼ Gixa̱a̱ gajmíi̱n xa̱bu̱ wéñiiʼ

Nacha̱ má Jeobá maʼni gámbíin xúgínʼ bi̱ ra̱májínʼ.

Jeobá ma̱ʼkha̱ kayóo rí mbayaminuʼ Satanás gajmíi̱n náa xa̱bu̱ wéñiʼ.

Jesús gíʼ náa xíliu̱u̱ mekhuíí; kúwá gagi xa̱bu̱ bi̱ mixtiʼkhu raza

Bi̱ nudxawíín Diúu̱ matu̱ʼu̱u̱n náa nuxi̱ʼ numbaaʼ náa nimbáa ní xámiñu kayuʼ ga̱jma̱a̱ xúgínʼ muthi dí gajkhun, ma̱ngaa xúgínʼ xa̱bu̱ maʼndún kuyamijná.