Tsíin lá kuwa náa bi̱ nagumbiʼñún xóo “ñumba tsi jmbi tsi majan indxaʼhuaminaʼ” rá.

Nákha inu makhañúu Jesús, niʼthún nguʼwá ajkui̱i̱n bi̱ ñajúnʼ apóstoles ndrígóo: Pedro, Santiago, Juan ga̱jma̱a̱ Andrés. Índo̱ Jesús niʼthí ma̱ʼkha̱ rí gatumu mbiʼi, niʼni mbá graxe̱ rí gíʼdoo wéñuʼ numuu: “¿Tsala ñumba tsi jmbi, tsi majan indxaʼhuaminaʼ, tsi niguanu neʼne señi ri maʼtañajun xabo naʼ goʼo, ikajngo hora ri mapeʼtso gaxniʼtsun-ra?” (Mateo 24:3, 45; Marcos 13:3, 4). Ga̱jma̱a̱ ajngáa rígi̱ Jesús nindoo gáʼthi rí ikhaa xóo mbáa Xa̱bu̱ Ñajunʼ nagruigi̱i̱n mbá nguathi̱i̱n xa̱bu̱ bi̱ muxnaraʼa ganitsu rí na̱ʼkha̱ náa Dios índo̱ gatumu mbiʼi. Tsíin ñajúnʼ xa̱bu̱ bugi̱ rá.

Nindxu̱ún mbá nguáthi̱i̱n bi̱ kaxtaʼwíin bi̱ nagún kidxu̱ʼ Jesús. “Ñumba” tsí jmbi najmaʼnuʼ xóo Mbá nguathi̱i̱n bi̱ Guáʼdáá mbá ñajunʼ náa bi̱ nutaraʼa numuu Jeobá. Ikha jngó, i̱ndó náa xa̱bu̱ tsí jmbi kuaʼthi̱i̱nʼxo “mapeʼtso” asndu nákha wapha̱ (Lucas 12:42).

Nuxna ikha náa goʼwóo Dios (1 Timoteo 3:15). Jesús nixná náa ñumba, ñajunʼ rí gíʼdoo wéñuʼ numuu rí muxna ikha náa organización ndrígóo Jeobá mbayííʼ gi̱jyooʼ ma̱ngaa nandoo gáʼthi rí muñewa̱a̱n xúgíʼ rí kaʼyoo Jesús, ga̱jma̱a̱ dí muxna ikha náa miʼtáraʼa ma̱ngaa musngúxoʼ náa congregación. Ikha jngó, mu muxnuxoʼ rí ndayáxoʼ índo̱ rí phú ndayáxoʼ, “ñumba tsi jmbi tsi majan indxaʼhuaminaʼ” naxnáxoʼ ganitsu rí na̱ʼkha̱ náa Dios o i̱yi̱i̱ʼ rí nagájnuu náa Biblia rí najmaxoʼ mu muʼtaruʼun xa̱bu̱, xó má xúgíʼ rí nusngúxoʼ náa nagimbáanʼxo ga̱jma̱a̱ náa asamblea.

“Ñumba” tsí jmbi naʼni xó má eʼkha̱ raʼthí náa Biblia ga̱jma̱a̱ naʼnimbánuu ñajunʼ rí nikhánúu rí maʼtáraʼa ajngáa rí májánʼ, ga̱jma̱a̱ majan indxaʼhuaminaʼ numuu rí nañewu̱u̱n xúgíʼ rí kaʼyoo Cristo náa tsu̱du̱u̱ Ku̱ba̱ʼ (Hechos 10:42). Jeobá xtáa raʼni tsajkurámááʼ ñajunʼ rí eni índo̱ naʼni itháan mbaʼin bi̱ nutaraʼa numuu Jeobá ga̱jma̱a̱ índo̱ naʼni rí maguaʼdáá itháan i̱yi̱i̱ʼ (Isaías 60:22; 65:13).

• Tsíin lá nigruigi̱i̱n Jesús mu maxnún ganitsu discípulos ndrígóo rá.

• Xú káʼnii eyoo gáʼthi rí ikhiin nindxu̱ún “ñumba” tsi jmbi tsi majan indxaʼhuaminaʼ rá.