Xú káʼnii tayáá Biblia ikháánʼ rá.
Lá natayáá xóo...
... mbá libro rí nini xa̱bu̱ numbaaʼ ráʼ.
... mbá libro náa na̱ʼkha̱ raʼthí i̱ndó cuento ráʼ.
... Ajngá rawunʼ Dios ráʼ.
RÍ E̱ʼKHA̱ RAʼTHÍ NÁA BIBLIA
“Xoguiʼ ri ajŋgo Dios nini xabu, Espíritu su Micaʼjui ndeyicun muni.” (2 Timoteo 3:16, Ajŋga Raun’ Dios Miʼpa Miŋui.)
XÚ KÁʼNII GAMBÁYULÚ MBUʼYÁÁ RÍGI̱ RÁ.
Graxe̱ rí naxtiʼña̱a̱ májánʼ wéñuʼ rí ikháanʼ nuʼnilú (Proverbios 2:1-5).
Ikha rí gambáyulú mu makuwáanʼ tsejtsí mbiʼi (Salmo 119:105).
Naʼni muʼnimbulú rí wíji̱ ma̱ʼkha̱ nda̱wa̱á (Romanos 15:4).
LÁ GAJKHUN RÍ GÍʼMAA MUʼNIMBULÚ RÍ E̱ʼKHA̱ RAʼTHÍ NÁA BIBLIA RÁʼ.
Ma̱ndoo muʼnimbulú, rígá ajtsú numuu:
Mbríguu rí e̱ʼkha̱ raʼthí. Nikúwi̱i̱n mbá 40 xa̱bekha bi̱ nini Biblia, ikhiin ndijñúunʼ mbá 1,600 tsiguʼ mu muniraʼmáʼ Biblia. Maski ajndu mbaʼin dí ikhiin na̱nguá niniʼnumijná. Mú, náa xúgíʼ Biblia na̱ʼkha̱ raʼthí mbríguu ga̱jma̱a̱ mbó tema rí e̱ʼkha̱ raʼthí.
Xa̱bu̱ bi̱ niniraʼmáʼ Biblia nda̱a̱ nditháan rí nirkaʼumaʼa. Nguáná xa̱bu̱ bi̱ nuniraʼmáʼ historia nurkaʼu rí eni xa̱bu̱ bi̱ kuwa náa xuajñún. Mú, xa̱bu̱ bi̱ niniraʼmáʼ Biblia na̱nguá nirkaʼumaʼa aʼkhá ndrígu̱ún asndu má na̱nguá nirkaʼumaʼa aʼkhá ndrígóo xuajñún (2 Crónicas 36:15, 16; Salmo 51:1-4).
Rí kiʼtáriyaʼ nambánuu má xúʼko̱. Asndu nákha 200 tsiguʼ ginii niʼtáriyaʼ náa Biblia rí xuajin Babilonia maʼganú mambáa (Isaías 13:17-22). Raʼkháa i̱ndó niʼthí rí mambáa xuajin, ma̱ngaa niʼthí xú káʼnii mbiʼyuu xa̱bu̱ bi̱ mato̱ʼo̱o̱ ikhí (Isaías 45:1-3).
Rígá i̱ʼwáʼ rí niʼtáriyaʼ náa Biblia rí ni̱jkha̱nú nimbánuu káxi̱. Mú, lá raʼkháa rúʼko̱ rí gíʼmaa muguaʼthi̱i̱n náa Ajngá rawunʼ Dios ráʼ. (2 Pedro 1:21.)
ATRAXI̱MÍNÁʼ
Xú káʼnii gándoo gambáyuʼ Ajngá rawunʼ Dios mu maxtáá itháan májánʼ rá.
Graxe̱ rígi̱ naxtiʼña̱a̱ náa texto ndrígóo Biblia rí na̱ʼkha̱ náa ISAÍAS 48:17, 18 ga̱jma̱a̱ 2 TIMOTEO 3:16, 17.