Tsáa phú eʼtáñajunʼ náa numbaaʼ rá.

RÍ E̱ʼKHA̱ RAʼTHÍ NÁA BIBLIA

“Xabu su cuhua runi ri ramejanʼ, iquin cuhue naʼ ago ñaunʼ guixa.” (1 Juan 5:19.)

“Ica numu neʼca su Adio Dios muri maʼnigambale ri naʼni su guixa.” (1 Juan 3:8, Ajŋga Raun’ Dios Mi’pa Miŋui.)

XÚ KÁʼNII GAMBÁYULÚ MBUʼYÁÁ RÍGI̱ RÁ.

Makruʼulú náa phú e̱ʼkha̱ xkujndu dí rígá náa numbaaʼ (Rí huasjŋgajma Juan [o Apocalipsis] 12:12).

Rígá mbaʼa numuu mu muguaʼthi̱i̱n mbá numbaaʼ rí maʼni̱i̱ itháán májánʼ (1 Juan 2:17).

LÁ GAJKHUN RÍ GÍʼMAA MUʼNIMBULÚ RÍ E̱ʼKHA̱ RAʼTHÍ NÁA BIBLIA RÁʼ.

Ma̱ndoo muʼnimbulú, rígá ajtsú numuu:

• Xa̱bu̱ Ñajunʼ ndrígóo Satanás maʼganú mambáa. Jeobá niʼthí maʼnigámbáa rí naʼtañajunʼ Satanás náa xa̱bu̱ numbaaʼ. Ikhaa nakudaminaʼ “maʼnigambale [...] guixa” ga̱jma̱a̱ maʼni̱i̱ májánʼ xúgíʼ rí niʼni gachúu Gixa̱a̱ (Hebreos 2:14).

• Dios nigíiʼ Jesucristo mu maʼtáñajunʼ náa tsu̱du̱u̱ numbaaʼ. Jesús na̱nguá nindxu̱u̱ mbáa Xa̱bu̱ Ñajunʼ bi̱ naʼnigínáan ga̱jma̱a̱ na̱nguá exmiéjunʼ kaʼyaminaʼ i̱ndó ikhaa, xóo ma nindxu̱ún xa̱bu̱ bi̱ nutañajunʼ náa numbaaʼ rígi̱. Índo̱ Jesús gáxtáa raʼtáñajunʼ, Dios nakudaminaʼ maʼni rígi̱: “Ikhaa magawínʼ a̱jkiu̱u̱n kaʼyoo xa̱bu̱ gínáa [...]. Maʼni káwíín náa na̱jma̱gíníín ga̱jma̱a̱ náa dí ra̱májánʼ” (Salmo 72:13, 14).

• Dios na̱nguá eʼne nduwaʼ. Náa Biblia naʼthí kaʼwu rí Dios “naŋgua maʼninduhueʼ” (Hebreos 6:18). Ikha jngó, índo̱ Jeobá nakudaminaʼ mbá rí maʼni, ikha maʼganú maʼnimbánuu (Isaías 55:10, 11). Ikhaa nakudaminaʼ “ri mixkriyaʼ jani tsi naʼtañajun naʼ numba rigueʼ” (Juan 12:31).