BIBLIOTECA NÁA INTERNET Watchtower
Watchtower
BIBLIOTECA NÁA INTERNET
me̱ʼpha̱a̱
a̱
  • ʼ
  • a̱
  • e̱
  • i̱
  • o̱
  • u̱
  • ŋ
  • BIBLIA
  • MBAʼA I̱YI̱I̱ʼ
  • REUNIÓN
  • hf sección 9 mbaʼa níʼkhóo 1-2
  • Guyamajkuíí Jeobá mbá guʼwáanʼ

Nda̱a̱ video gi̱i̱ náa nitaxújmbi̱i̱

Atani̱ mba̱a̱ a̱jkia̱nʼ, tsíyoo gákujmaa video.

  • Guyamajkuíí Jeobá mbá guʼwáanʼ
  • Ma̱ndoo makuwáanʼ gagi mbá guʼwáanʼ
  • Subtítulos
  • Náa na̱ʼkha̱ i̱ʼwáʼ
  • 1 GAMBAXÁʼ ITHÁAN GA̱JMA̱ʼ JEOBÁ
  • 2 GAʼDXALÁ GÚNIGAJMAA MBÁ GUʼWÁANʼ
  • Ndiéjunʼ ñajunʼ rí muʼnigajmaa mbá guʼwáanʼ mu mbuʼyamajkuíí Jeobá rá.
    Tsíin lá eni rí nandoo Jeobá rí mbiʼi xúgi̱ rá.
  • Naʼni makuwáánʼ gagi índo̱ nduʼyamajkuíí xóo gíʼmaa Dios
    Bi̱ Nayejngoo Naʼtáraʼa numuu Reino ndrígóo Jeobá (Rí muʼnigajmaa) 2022
  • Lá natayáá Jeobá xóo mbáa bi̱ nambáxa̱ʼ májánʼ ga̱jma̱ʼ ráʼ.
    Bi̱ Nayejngoo Naʼtáraʼa numuu Reino ndrígóo Jeobá 2015
  • Atambáñun bi̱ kuwa náa guʼwáaʼ mu marmáʼáan a̱jkiu̱ún kuyáá Jeobá
    I̱yi̱i̱ʼ dí najmulú náa reunión Xóo kúwi̱i̱n ga̱jma̱a̱ xóo Etaraʼa Cristianos 2017
Atayáá itháan
Ma̱ndoo makuwáanʼ gagi mbá guʼwáanʼ
hf sección 9 mbaʼa níʼkhóo 1-2
Bi̱ nidamijná nunigajmaa Biblia

SECCIÓN 9

Guyamajkuíí Jeobá mbá guʼwáanʼ

“Utacañi Ica su neʼni ri mecu jma numbaʼ.” (Rí huasjŋgajma Juan [Apocalipsis] 14:7)

Xó má nijmañaʼ náa folleto rígi̱, náa Biblia na̱ʼkha̱ mbaʼa ikha rí tsixtiʼkhuu rí mambáyaʼ ikháánʼ gajmiáanʼ bi̱ kúwi̱i̱n náa guʼwáaʼ. Jeobá nandoo dí makuwáanʼ tsímáá. Ma̱ngaa naʼthí rí á mu nduyamajkuíí ginii, ‹xúgíʼ rí i̱ʼwáʼ makhánala› (Mateo 6:33). Dios nandoo rí mambaxáʼ májánʼ ga̱jma̱ʼ. Ikha jngó atani xúgíʼ rí eyoo mu mambaxáʼ itháan ga̱jma̱ʼ ikhaa, numuu dí rígi̱ itháan gíʼdoo numuu (Mateo 22:37, 38).

1 GAMBAXÁʼ ITHÁAN GA̱JMA̱ʼ JEOBÁ

Xa̱biya̱ ga̱jma̱a̱ a̱ʼgiu̱u̱ nagún mbóó gútaraʼa

RÍ E̱ʼKHA̱ RAʼTHÍ NÁA BIBLIA: “Ga manindxuʼ mbaun-u Icun Anaʼla, ga icanʼla [manindxala i̱ji̱nʼ jiáma kami i̱ji̱nʼ] huaʼxaʼ”, eʼthí Jeobá (2 Corintios 6:18). Dios nandoo rí matambaxáʼ májánʼ ga̱jma̱ʼ, mbóo rí ma̱ndoo matani mu mi̱dxu̱ʼ kanuu náa ikhaa nindxu̱u̱ rí maratakáñii. Jeobá má naʼthúlúʼ: “Camba nutun uni sacun” (1 Tesalonicenses 5:17). Ikhaa naniguʼ maratha̱a̱n rí naʼni maxmiéjuanʼ ga̱jma̱a̱ xúgíʼ rí gíwanʼ asndu náa a̱jkia̱nʼ (Filipenses 4:6). Á mu naratájkháan gajmiáanʼ bi̱ kúwi̱i̱n náa guʼwáaʼ, ikhiin mbuyáá rí ikháánʼ natayáá rí gajkhun xtáa Dios.

Mú raʼkháa i̱ndó ndayóoʼ maratha̱a̱n Dios ma̱ngaa ndayóoʼ rí ikháánʼ matadxawíín rí gáʼtháanʼ. Xú káʼnii gándoo gátani rá. Rí matanigajmaa̱ Ajngá rawunʼ ga̱jma̱a̱ i̱ʼwáʼ i̱yi̱i̱ʼ rí nagájnuu náa Biblia (Salmo 1:1, 2). Atatsaʼwáá edxa̱ʼ rí xtaa rajmañaʼ (Salmo 77:11, 12). Mu matadxawíín Dios ma̱ngaa ndayóoʼ rí mi̱dxu̱ʼ náa nagimbáanʼlu (Salmo 122:1-4).

Imbo̱o̱ rí mambáyaʼ mambaxáʼ májánʼ ga̱jma̱ʼ Jeobá nindxu̱u̱ rí marathu̱u̱n eʼwíínʼ xa̱bu̱ ga̱jma̱a̱ numuu ikhaa. Á mu narathúún má xúʼko̱ xa̱bu̱, maku̱ma̱ʼ rí itháan mijngii xtaa ga̱jma̱ʼ Jeobá (Mateo 28:19, 20).

RÍ MA̱NDOO MATANI:

  • Atríyaʼ mbiʼi maratajkháan ga̱jma̱a̱ matraxnuu Biblia xúgíʼ mbiʼi

  • Atambáñun bi̱ kúwi̱i̱n náa guʼwáaʼ mbuyáá rí itháan gíʼdoo numuu muni dí nandoo Dios ki xóo muni rí nandún ikhiin

2 GAʼDXALÁ GÚNIGAJMAA MBÁ GUʼWÁANʼ

Mbáa xa̱bu̱ naʼnirataminaʼ mu maʼnigajmaa gajmíi̱n bi̱ kuwa náa goʼwóo nda̱wa̱á nunigajmaa mbá guʼwíin

RÍ E̱ʼKHA̱ RAʼTHÍ NÁA BIBLIA: “Ahuaʼcani naʼ inu Dios [...] ga Ica maxta mijŋgui naʼ icanʼla” (Santiago 4:8). Atríyaʼ mbóo mbiʼi ga̱jma̱a̱ náa hora gúnigajmaa mbá guʼwáanʼ (Génesis 18:19). Mú raʼkháa i̱ndó ikhaa: Tsejtsí gaku̱ma̱ʼ xtayáá Dios ga̱jma̱a̱ atani rí bi̱ kuwa náa guʼwáaʼ mambaxúún itháan májánʼ gajmiún ikhaa, arathún índo̱ “gáraʼwún náa guʼwáaʼ ga̱jma̱a̱ índo̱ gajngruigaʼ náa kamba̱a̱ ga̱jma̱a̱ índo̱ gátaba̱ʼ ga̱jma̱a̱ índo̱ gáraxunʼ” (Deuteronomio 6:6, 7). Atagíʼ matani xóo niʼni Josué, bi̱ niʼthí: “Ikhúúnʼ gajmíi̱nʼ bi̱ kúwi̱i̱n náa goʼwóoʼ, munixu ñajunʼ Jeobá” (Josué 24:15).

RÍ MA̱NDOO MATANI:

  • Atríyaʼ mbá awan májánʼ náa miʼsngáa rí ndayóoʼ mámbáa bi̱ xtáa náa guʼwáaʼ

Mbáa náná naguxnuu ga̱jma̱a̱ a̱ʼdióo chíʼgíʼ; mbá guʼwíin nuni xó má xa̱bu̱ bi̱ na̱ʼkha̱ raʼthí náa Biblia: Mbáa xa̱bu̱ naguxnuu ga̱jma̱a̱ a̱ʼdióo bi̱ dxáʼgú

RÍ MUNILA ÑAJUNʼ JEOBÁ MAʼNI RÍ MAKUWÁANʼ GAGI

Nda̱a̱ imbo̱o̱ rí itháan májánʼ ki xóo rí muni ñajunʼ Jeobá. Ikhaa nadxuu índo̱ ndaʼyoo rí ikháánʼ gajmiáanʼ bi̱ kúwi̱i̱n náa guʼwáaʼ nuni ñajunʼ ndrígóo ga̱jma̱a̱ xúgíʼ a̱jkia̱la. Á mu natani xúʼko̱ kaʼnii, maʼndaʼ xtayáá itháan ga̱jma̱a̱ manindxa̱ʼ xóo ikhaa (Marcos 12:30; Efesios 5:1). Rí makumala ku̱ya̱a̱ Dios nájmáanʼ maʼni rí maʼndalá kuyamíjna̱ itháan (Eclesiastés 4:12; Isaías 48:17). Ikháánʼ gajmiáanʼ bi̱ kuwa náa guʼwáaʼ ma̱ndoo makuwáanʼ gagi kámuu mbiʼi numuu rí Jeobá gáʼni tsajkurámáanʼla (Deuteronomio 12:7).

ATRAXIMÍNAʼ:

  • Náa mbi̱ʼi̱i̱ xóó nitajkháan mbóó ga̱jmu̱ʼ bi̱ ndi̱ya̱a̱ rá.

  • Ndiéjunʼ gándoo gánigajmaa gajmíi̱nʼ bi̱ kúwi̱i̱n náa goʼwóoʼ mú muguaʼdááxu itháan fe náa Jeobá rá.

RÍ NAJUIʼTHÁÁN BI̱ KAYÁ EDXU̱U̱ NÁA MBÁ GUʼWÍIN

  • Xátatsiʼñáʼ rí nimbá marikhala rí munigajmaa mbá guʼwáan

  • Arathún wapháá bi̱ kuwa náa guʼwáaʼ ndiéjunʼ rí gátanigajmaa gajmiáanʼ mu xúʼko̱ ikhiin gándoo muniratamijná

  • Atayáá rí makuwíin xúgínʼ índo̱ gúnigajmaa mbá guʼwáanʼ

  • Xákiʼnán índo̱ gunigajmaa mu xúgínʼ maʼndún mudrigi̱i̱n

    I̱yi̱i̱ʼ náa ajngáa me̱ʼpha̱a̱ (2007-2025)
    Atrugua̱a̱
    Atambáʼtaa
    • me̱ʼpha̱a̱
    • Náa mataxuʼmá
    • Xóo nandaʼ ma̱ta̱ya̱a̱
    • Copyright © 2025 Watch Tower Bible and Tract Society of Pennsylvania
    • Xtángoo náa naʼthí rí xú káʼnii majmaaʼ
    • Xtángoo náa naʼthí rí nañewu̱u̱n dato ndrígáʼ
    • Configuración de privacidad
    • JW.ORG
    • Atambáʼtaa
    Náa mataxuʼmá