Rí nagi̱ʼdu̱u̱ náa sección 6

Israelitas niguáʼnu náa ku̱ba̱ʼ rí makhánun, ga̱jma̱a̱ tabernáculo ninindxu̱u̱ guʼwá náa niguma mba̱a̱ Jeobá. Ndxajkun nusngáa Xtángoo ndrígóo Dios, ga̱jma̱a̱ jueces kuya̱ edxu̱u̱ náa xuajin. Sección rígi̱ nasngájma rí xúgíʼ rí mbáa xa̱bu̱ naraʼwíí maʼni ma̱ndoo mambáñún eʼwíínʼ. Mámbáa israelita gíʼdoo mbá rí gíʼmaa munimbaníí inuu Jeobá ga̱jma̱a̱ náa eʼwíínʼ xa̱bu̱. Arathá májánʼ xú káʼnii rí Débora, Noemí, Josué, Ana, a̱ʼdióo Jefté ga̱jma̱a̱ Samuel nimbayíí xuajin ndrígu̱ún. Ma̱ngaa arathá ga̱jma̱a̱ numún bi̱ na̱nguá nindxúu̱n israelitas, xó má Rahab, Rut, Jael gajmiún gabaonitas, nindúún mumbaxúmi̱jna̱ gajmiún israelitas numuu rí nduyáá rí Jeobá xtáa gajmiún.