AJMÚÚ 23
Xa̱bu̱ Ñajunʼ ndrígóo Jeobá naʼtáñajunʼ
1. Guʼnilú gagi ajmúú:
“¡Guʼni mba̱a̱ nambiʼyuu Rey!”.
Cristo Jesús gíʼ náa xíliu̱u̱ mekhuíí,
Jesús nindxu̱u̱ Rey bi̱ jmbii.
Nandoo rí xúgínʼ mbuyáá,
rí nigíʼdu̱u̱ má
raʼtáñajuunʼ náa mekhuíí.
(ESTRIBILLO)
Ndiéjunʼ gáʼni, Jeobá, Rey ndrígáaʼ.
Makuwáanʼxu kámuu mbiʼi.
Dí itháan gáʼni Rey ndrígáaʼ rá.
Maʼni marigá rí tsímáá.
¡Guʼni mba̱a̱ mbiʼyuu Jeobá Dios
numuu rí naʼni rí jmbu!
2. Nánguá guanuu xóó mbiʼi
rí mambáa xúgíʼ xkujndu
ga̱jma̱a̱ xúgíʼ tsingíná dí rígá.
Ikha jngó guʼtáraʼa,
guʼsngún xa̱bu̱ rí gajkhun,
guʼthá rí inu
maʼni kaʼwi̱i̱ mbiʼyuu Dios.
(ESTRIBILLO)
Ndiéjunʼ gáʼni, Jeobá, Rey ndrígáaʼ.
Makuwáanʼxu kámuu mbiʼi.
Dí itháan gáʼni Rey ndrígáaʼ rá.
Maʼni marigá rí tsímáá.
¡Guʼni mba̱a̱ mbiʼyuu Jeobá Dios
numuu rí naʼni rí jmbu!
3. ¡Xúgiáanʼ guʼyamajkuíí Rey!
¡Guʼni rí nandoo ikhaa!
Bi̱ Dios nigíiʼ mu maʼtáñajunlú.
Guʼgualú náa goʼwóo Dios,
ikhaa maʼni káwáanʼlu.
Ní xárígá
náa numbaaʼ nditháan tsingíná.
(ESTRIBILLO)
Ndiéjunʼ gáʼni, Jeobá, Rey ndrígáaʼ.
Makuwáanʼxu kámuu mbiʼi.
Dí itháan gáʼni Rey ndrígáaʼ rá.
Maʼni marigá rí tsímáá.
¡Guʼni mba̱a̱ mbiʼyuu Jeobá Dios
numuu rí naʼni rí jmbu!
(Atayáá ma̱ngaa 2 Sam. 7:22; Dan. 2:44; Rev. 7:15).