Mata rí gajkhun ga̱jma̱a̱ numuu Reino

1. Gagi nixtáá mbiʼi rí Dios,

niʼni kríñunʼ náa mikrína.

Nigájnáa’ náa rí aʼkhá

rí xúgi̱ xtáá náa rí gajkhun.

Nindxu̱u̱ májánʼ rí ikhúúnʼ xtáá

náa xuajñu Anu̱lú Jeobá.

Mani rí naniguuʼ Dios,

mba̱a̱ nambiʼyuu gáni xúgíʼ mbiʼi.

Ga̱jma̱a̱ gagi gátarúʼún

xúgínʼ Ajngóo Anu̱lú Dios.

Mu makáwíin náa mikrína

ga̱jma̱a̱ matangi̱i̱n náa Jeobá.

Mata numuu Dios bi̱ gajkhun,

nditháan xániʼñúʼ rambáñun

bi̱ nandún muniʼniiʼ Dios

nákha xóo tséʼthi Jeobá: “Ikhí rá”.