KÍXNUU 17

Kaʼwu gíʼmaa mani̱ndxu̱u̱ rí garaxnaxí

1 Corintios 14:9

RÍ NAGÁJNURIYOʼ: Atambáñun bi̱ kuwa rudxawanʼ makru̱ʼu̱u̱n ndiéjunʼ phú eyoo gaʼthí ajngáa rí xtaa raratá.

Atanigajmaa̱ májánʼ rí majmaʼ. Gákruaʼaʼ májánʼ rí kayá edxu̱u̱ mu xáʼni mingíjyúuʼ rí gárata, arathá ga̱jma̱a̱ ajngáaʼ.
Gajmaaʼ ajngáa dí rambíjua̱ ga̱jma̱a̱ dí ra̱mingíjyúuʼ. Maski ajndu ma̱ndoo má majmaʼ ajngáa rí mbi̱jua̱, arathá rí itháan gíʼdoo numuu ga̱jma̱a̱ ajngáa rí na̱nguá mbi̱jua̱.

Xájmaaʼ ajngáa dí tséyóoʼ má maratha, mu xáʼni jngawiin ga̱jma̱a̱ xaxkájkiu̱ún bi̱ kuwa rudxawanʼ. Gajmaaʼ ajngáa dí ramíʼskhoo ki xóo maratha ajngáa rí xákru̱ʼu̱u̱n.
Arathá xú káʼnii nindxu̱u̱ ajngáa rí tséjmaʼnuʼ. Ataniminaʼ rí xájmaaʼ ajngáa rí tséjmaʼnuʼ náa bi̱ kuwa rudxawanʼ. Á mu ndayóoʼ maratha mbá ajngáa, o numuu mbáa xa̱bu̱ bi̱ na̱ʼkha̱ raʼthí náa Biblia, mbá rí nuni nakha wajyúúʼ o mbá rí tséjmaʼnuʼ, arathá ndiéjunʼ nindxu̱u̱.