KÍXNUU 19

Atani maʼga̱nú náa a̱jkiu̱ún bi̱ nudxawíín

Proverbios 3:1

RÍ NAGÁJNURIYOʼ: Atambáñun bi̱ kuwa rudxawanʼ manigu̱u̱nʼ ga̱jma̱a̱ mugíʼ munimbánii rí kuwa rajmañún.

Atambáñun mundxaʼwamíjna̱ bi̱ kuwa rudxawanʼ. Ataniuu graxe̱ rí maʼniún mundxaʼwamíjna̱ bi̱ kuwa rudxawanʼ mu mbuyáá rí ekumún.
Atayááʼ rí mayambáá mu maxkajxi̱i̱ a̱jkiu̱ún. Arathún bi̱ kuwa rudxawanʼ mu mbuyáá náá numuu rí kuwa runi ñajunʼ rí májánʼ. Atambáñun mu mbuyáá mbaʼa rí maxkajxi̱i̱ a̱jkiu̱ún: Rí maʼndún kuyáá Jeobá, náa eʼwíínʼ xa̱bu̱ ga̱jma̱a̱ kiʼsngáa ndrígóo Biblia. Gakruaʼaʼ xtayaminaʼ ga̱jma̱a̱ bi̱ kuwa rudxawanʼ, xatriñún, xátanimajti̱i̱nʼ. Araxnún tsiakii índo̱ gámbu̱u̱n ruxnaxi rí kaʼñún mu makuwa xawii mu muni asndu xó má eʼngu̱u̱n.
Atani rí mudxawíín Jeobá. Arathá xó má kiʼsngáa, ikha, ga̱jma̱a̱ xtángoo rí na̱ʼkha̱ náa Biblia, nasngájma xóo xa̱bu̱ nindxu̱u̱ Dios ga̱jma̱a̱ ngajua rí gíʼdoo náa ikháanʼlu. Atambáñun bi̱ kuwa rudxawanʼ mu mbuyáá xóo káʼnii eku̱mu̱u̱ Jeobá ga̱jma̱a̱ rí muni gadxíí.

Garmáʼáan a̱jkia̱a̱nʼ rí Jeobá na̱ʼkha̱ kagui̱i̱n xa̱bu̱. Ikha jngó gajmaaʼ Ajngá rawunʼ mu mataxkaxi̱i̱ a̱jkiu̱ún bi̱ kuwa rudxawanʼ.