ATAGÍʼDI̱I̱ MARATA̱
KÍXNUU 6
Xámiñaʼ
Ikha rí na̱ʼkha̱ náa Biblia: “Ga̱jma̱a̱ numuu Dios ndrígúlú ndi̱ya̱a̱xu tsiakii mu mu̱tala ajngáa rí májánʼ” (1 Tes. 2:2).
Dí niʼni Jesús
1. Atayáá VIDEO o atraxnuu Lucas 19:1-7. Nda̱wa̱á atayáá graxe̱ rígi̱:
Ndíjkha rí tikhuun xa̱bu̱ tsíñún gambáxu̱u̱n gajmiún Zaqueo rá.
Ndiéjunʼ nixkaxi̱i̱ Jesús maʼtáróʼoo maski ajndu xa̱bu̱ táʼndún gúyáá xá.
Ndiéjunʼ ejmañulúʼ náa xkri̱doo Jesús rá.
2. Ndayóoʼ dí xamíñúluʼ mu muʼsngúún dí gajkhun xúgíinʼ xa̱bu̱.
Atayaridáá Jesús
3. Gakuma̱a̱ʼ xtayáá Jeobá. Xi̱ʼ kaʼwu ndrígóo Dios nixnúu tsiakii Jesús mu maʼtáraʼa, ga̱jma̱a̱ ma̱ndoo maxnáaʼ mangáánʼ (Mat. 10:19, 20; Luc. 4:18). Atanda̱ʼa̱a̱ Jeobá dí xámíñáaʼ marathu̱u̱n xa̱bu̱ bi̱ namíñáaʼ eni̱ (Hech. 4:29).
4. Xatraʼwíin xa̱bu̱. Nguáná naʼniulú mingíjyúuʼ mu̱ʼgua̱ kanuu náa tikhun xa̱bu̱ ga̱jma̱a̱ numuu xóo kiexu̱u̱n, á mu guaʼdáá wéñuʼ o raguáʼdáá wéñuʼ mbújkha̱a̱, xóo kúwá o xóo religión dí nagún. Mú garmáʼáan a̱jkia̱a̱nʼ:
Jeobá ga̱jma̱a̱ Jesús ndaʼyoo dí gíwánʼ náa a̱jkiu̱u̱n xa̱bu̱ mú ikháanʼlu xándoo mbuʼyáá.
Jeobá nagáwiinʼ a̱jkiu̱u̱n kaʼñúún xúgíinʼ.
5. Xámíñáaʼ mú tsumáá gáta̱ya̱a̱ dí matani̱ (Mat. 10:16). Arathá ga̱jma̱a̱ gamajkhu xágiʼda̱a̱ʼ ga̱jma̱a̱ xa̱bu̱. Á mu natayáá dí xa̱bu̱ tsíyoo gaʼdxawun o nasngájma dí namíñúʼ maʼtámíjná ga̱jma̱á nindxa̱a̱ʼ, atatsiñááʼ raratháán mú atani̱ ga̱jma̱a̱ gamajkhu (Prov. 17:14).