Atanimbánii ñajunʼ ndrígáaʼ

Dí niʼni Jesús

VIDEO: Jesús naʼsngóo Nicodemo

1. Atayáá VIDEO o atraxnuu Juan 3:​1, 2. Nda̱wa̱á atayáá graxe̱ rígi̱:

1. Náa numuu dí Nicodemo ni̱jkha̱ gáʼyoo Jesús mbruʼun rá. (Atayáá Juan 12:​42, 43).

2. Xú káʼnii nisngájma Jesús dí ikhaa nikudaminaʼ maʼnimbánuu dí maʼsngúún xa̱bu̱ xá.

Ndiéjunʼ ejmañulúʼ náa xkridoo Jesús rá.

2. Numuu dí nandulúʼ kuʼñúún xa̱bu̱, nakumulú dí ndayóoʼ muʼsngúún mani̱ndxu̱ún xa̱bi̱i̱ Dios.

Atayaridáá Jesús

3. Arasngáá xa̱bu̱ ga̱jma̱a̱ numuu Biblia hora ga̱jma̱a̱ náa ikhaa kaʼnii maʼniga̱jma̱a̱. Lá ikhaa ndaʼyoo dí májánʼ mbá hora ga̱jma̱a̱ mbá mbiʼi kiejunʼ xáʼ. Náá gániguuʼ itháan maʼniga̱jma̱a̱, lá náa nañajunʼ, náa goʼwóo o náa nagún mbaʼin xa̱bu̱ ráʼ. Índo̱ gándoo, ayuʼ hora dí naguaphaa bi̱ narasngáá.

4. Atayáá májánʼ dí bi̱ narasngáá xandatígoo dí majmañuu. Á mu ikháán xaráxtaa, xátani maguanúu xuʼkuíinʼ. Lá nitatsaʼwáminaʼ matani̱ rígi̱ ráʼ.

1. Marasngáá i̱mba̱ mbiʼi dí kaʼyoo xmáná.

2. Marasngáá ga̱jma̱a̱ teléfono o videollamada.

3. Maratha̱a̱n imba̱a̱ publicador maʼsngóo.

5. Aratájkáan mu matani dí kaʼyoo. Atanda̱ʼa̱a̱ Jeobá dí maʼndaaʼ matanimbánii dí marasngáá xa̱bu̱. Gíʼdoo wéñuʼ numuu rígi̱ á mu xa̱bu̱ na̱nguá eʼnigájmaa xúgíʼ xmáná o á mu naʼniuu mingíjyúuʼ maʼnimbánuu dí xtáa rajmañuu (Filip. 2:13). Atanda̱ʼa̱a̱ Jeobá mambáyaaʼ ma̱ta̱ya̱a̱ náa dí májánʼ xa̱bu̱ nindxu̱u̱ bi̱ narasngáá. ¡Mbáa gíʼdoo mbaʼa!