Rí gajkhun ga̱jma̱a̱ numuu Reino ndrígóo Dios
Jesús niʼsngúún xa̱bi̱i̱ mutajkáan: “Anu̱xu bi̱ xtaa mekhuíí, gaguma kaʼwi̱i̱ mbiʼyaaʼ. Ga̱ʼkha̱ Reino ndrígáaʼ. Gambanúu xóo rí nandaaʼ ikháán, xó má náa mekhuíí, xúʼko̱ má náa tsu̱du̱u̱ ku̱ba̱ʼ ma̱ngaa” (Mateo 6:9, 10). Ndiéjunʼ nindxu̱u̱ Reino ndrígóo Dios rá. Ndiéjunʼ xtáa raʼni xá. Náá numuu rí gíʼmaa muʼthá ga̱jma̱a̱ numuu ikhaa índo̱ nuʼtajkháan rá.
Jesús nindxu̱u̱ Rey náa Reino ndrígóo Dios
Lucas 1:31-33: “Gíʼdoo dí maraxna mbiʼí Jesús. Ikhaa magiʼdoo numuu ga̱jma̱a̱ magumbiʼyuu A̱ʼdióo bi̱ phú Mba̱a̱. Ga̱jma̱a̱ Jeobá Dios maxnúu xíliu̱u̱ David bi̱ nindxu̱u̱ anu̱u̱, ga̱jma̱a̱ ikhaa maʼtáñajunʼ náa goʼwóo Jacob asndu kámuu mbiʼi. Reino ndrígóo xáʼga̱nú mambáa”.
Jesús rí phú niʼthí náa niʼtáráʼa nindxu̱u̱ ga̱jma̱a̱ numuu Reino
Mateo 9:35: “Jesús ni̱jkha̱ náa xúgíʼ xuajen mba̱ʼu̱ ga̱jma̱a̱ náa xuajen ma̱jkha̱ʼ. Ni̱jkha̱ raʼsngáa náa sinagoga ndrígu̱ún, ga̱jma̱a̱ niʼtáraʼa ajngáa rí májánʼ ga̱jma̱a̱ numuu Reino ga̱jma̱a̱ niʼni thanún bi̱ guáʼdáá mixtiʼkhu nandii ga̱jma̱a̱ mbaʼa enii gaʼkhu”.
Jesús niʼthúún xa̱bi̱i̱ ndiéjunʼ gárígá mu makujmaa dí Reino gíʼ mijngii
Mateo 24:7: “Numuu rí magiʼdu̱u̱n xuajen mba̱ʼu̱ ga̱jma̱a̱ i̱ʼwáʼ xuajen mba̱ʼu̱ ma̱ngaa reino ga̱jma̱a̱ reino, ga̱jma̱a̱ marigá ewiʼ ma̱ngaa maʼxma asndu náá”.
Xa̱bi̱i̱ Jesús kúwá rutaraʼa náa xúgíʼ tsu̱du̱u̱ ku̱ba̱ʼ ga̱jma̱a̱ numuu Reino
Mateo 24:14: “Ga̱jma̱a̱ ajngáa rí májánʼ ndrígóo Reino majuiʼtáraʼa náa xúgíʼ numbaaʼ mu mudxawíín xúgínʼ xa̱bu̱; ga̱jma̱a̱ ikhú ma̱ʼkha̱ fin”.