Agosto manindxu̱u̱ mbá gu̱nʼ rí magiʼdoo wéñuʼ numuu

1. Káʼnii campaña gárígá náa xúgíʼ tsu̱du̱u̱ Ku̱ba̱ʼ numuu rí na̱jkha̱nú naʼni mbá 100 tsiguʼ rí nigíʼdu̱u̱ raʼtáñajunʼ Reino rá.

¹ Naʼni mbá 100 tsiguʼ rí nigíʼdu̱u̱ raʼtáñajunʼ Reino ndrígóo Dios náa tsu̱du̱u̱ ku̱ba̱ʼ. Á mu nuʼni ñajunʼ rígi̱ dí gíʼdoo wéñuʼ numuu ma̱ndoo mbuʼyamajkuíí itháan Jeobá. Índo̱ gáʼni gu̱nʼ agosto muxná náa xúgíʼ tsu̱du̱u̱ Ku̱ba̱ʼ mbá tratado nuxi̱ʼ rí nagumbiʼyuu Náa gándoo gáxti̱ʼña̱a̱ graxe̱ dí gíʼdoo wéñuʼ numuu dí nuʼnilú rá. Tratado rígi̱ naʼthúún xúgínʼ xa̱bu̱ rí mbuyáaʼ náa Biblia rí xú káʼnii maxtiʼña̱a̱ graxe̱ ndrígu̱ún ga̱jma̱a̱ naʼthí xú káʼnii gambáñun ináa dí rígá náa jw.org ndrígóo Internet.

2. Xú káʼnii gándoo muʼni itháan ñajunʼ Jeobá dí gu̱nʼ agosto rá.

² Guʼtáraʼa itháan. Mu mambáñun publicador muni itháan ñajunʼ Jeobá, ma̱ndoo manindxu̱ún precursor auxiliar gu̱nʼ agosto bi̱ nandún muxnaxi̱i̱ 30 horas. Numuu rí gu̱nʼ agosto gíʼdoo witsu viernes, witsu sábado ga̱jma̱a̱ witsu domingo, mbaʼin bi̱ nuñajunʼ o bi̱ nagún náa guʼwá nisngáa ma̱ndoo manindxu̱ún precursor auxiliar gu̱nʼ rúʼko̱. Á mu mbáa estudio bi̱ niʼni má rasngáá o mbáa a̱ʼdiáaʼ naʼnimbánuu rí manindxu̱u̱ publicador nuxi̱ʼ, gíʼdoo dí maratha̱a̱n nacha̱ ndxájulú bi̱ kayá edxu̱u̱ náa nagimbáanʼ bi̱ naríyaʼ awan náa eʼwíínʼ bi̱ kuya̱ edxu̱u̱ náa congregación. ¡Ra̱ʼkhá tháán mba̱a̱ gagi ganindxu̱u̱ rí manindxu̱ún publicador gu̱nʼ agosto rí magiʼdoo numuu! Mbaʼin precursor regular ndu̱ya̱a̱ xúnʼ gu̱nʼ agosto nda̱wa̱á rí niguámbu̱u̱n runi xúgíʼ hora rí naxtandu̱ʼu̱u̱n muni rí mbá tsiguʼ, mbá mbaʼyóoʼ muríyaʼ májánʼ awan mu ma̱ndoo muruguambá náa campaña rígi̱. Ni̱jkha̱nú mbiʼi rí xúgínʼ bi̱ kuwa náa mbá guʼwíin ma̱ndoo mutaraʼa itháan gu̱nʼ agosto (Esd. 3:11; Prov. 15:22).

3. Ndiéjunʼ guguaʼthi̱i̱n náa campaña rígi̱ rá.

³ Maski ajndu narígá campaña xó má rígi̱, muguaʼthi̱i̱n dí rígi̱ magiʼdoo itháan numuu. Lá ma̱ndoo muʼni itháan horas, manindxu̱lúʼ itháan publicadores ga̱jma̱a̱ precusor auxiliar rí gu̱nʼ agosto ráʼ. Nákha xóó tsíguámbá servicio tsiguʼ 2014, ¡muguaʼthi̱i̱n rí Jeobá gáʼni tsajkurámáʼ tsiakii rí gúʼni náa xúgíʼ tsu̱du̱u̱ Ku̱ba̱ʼ mu gu̱nʼ agosto magiʼdoo wéñuʼ numuu! (Mat. 24:14.)