Xú káʼnii maraxnaxí i̱yi̱i̱ʼ

Náa gándoo gáxti̱ʼña̱a̱ graxe̱ dí gíʼdoo wéñuʼ numuu dí nuʼnilú rá.

Araxnáá tratado xa̱bu̱ mu ma̱ndoo mbaʼyoo rí kayá edxu̱u̱ ga̱jma̱a̱ nda̱wa̱á aratháán: “Wajtsaʼ. Xtáá náa mbá campaña dí narígá náa xúgíʼ numbaaʼ mu maxnaráʼa mbá tratado rí kayá mbá ajngáa rí gíʼdoo wéñuʼ numuu. Ndrígáʼ ikháánʼ rígi̱”.

Á mu matatsiʼñáaʼ tratado náa guʼwá rí nda̱wi̱i̱n xa̱bu̱, xátatsiʼñáanʼ pajnu ga̱jma̱a̱ xátarmigaʼ.

Á mu xa̱bu̱ nandoo maʼdxun rí eʼthí tratado o nandoo maratamíjná ga̱jma̱ʼ itháan, ma̱ndoo matanda̱ʼa̱a̱ rí endxa̱ʼwáminaʼ ga̱jma̱a̱ numuu graxe̱ rí na̱ʼkha̱ náa inuu tratado. Atambaʼtaa tratado ga̱jma̱a̱ atasngájmáá rí eʼthí náa Salmo 119:144, 160. Aratháán rí náa tratado na̱ʼkha̱ raʼthí ga̱jma̱a̱ numuu ináa ndrígóo Internet rí ma̱ndoo mambáyúu maxtiʼña̱a̱ graxe̱ ndrígóo náa Biblia. Mbáa ma̱ndoo matasnga̱jmá video “Náa numuu rí gíʼmaa muʼnigajmaa Biblia rá.” Nákha xóó tsédxuuʼ, atasngajmá ajtsú graxe̱ rí na̱ʼkha̱ náa námbáa ináa ndrígóo tratado ga̱jma̱a̱ atraxi̱i̱ ndiéjunʼ rí eyoo mbaʼyoo itháan. Aratháán rí matangaán mu marasngáa xú káʼnii gájmuu jw.org mu maxtiʼña̱a̱ graxe̱ rígi̱ náa Biblia. Índo̱ gatangaán, atayáá graxe̱ rí na̱ʼkha̱ náa ENSEÑANZAS BÍBLICAS > PREGUNTAS SOBRE LA BIBLIA.

La Atalaya 1 gu̱nʼ agosto

Sabado ga̱jma̱a̱ domingo á mu xa̱bu̱ nandoo, arathá rígi̱ mu maraxnaxí La Atalaya: “Ma̱ngaa naniguʼ maxna̱ʼ revista ndrígóo gu̱nʼ rígi̱. La Atalaya rígi̱ nariʼña̱a̱ graxe̱: ‹Lá naxmiéjunʼ kaʼyaʼ Dios ráʼ.›”

Despertad! Agosto

Sabado ga̱jma̱a̱ domingo á mu xa̱bu̱ nandoo, arathá rígi̱ mu maraxnaxí ¡Despertad!: “Ma̱ngaa naniguʼ maxna̱ʼ revista ndrígóo gu̱nʼ rígi̱. ¡Despertad! rígi̱ nariʼña̱a̱ graxe̱: ‹Xú káʼnii gándoo gúni mba̱a̱ a̱jkiu̱ún kuyamijná xa̱bu̱ rá.›”