Xú káʼnii maraxnaxí i̱yi̱i̱ʼ

Xú káʼnii gatagíʼdi̱i̱ mbá estudio timbá sábado ndrígóo gu̱nʼ octubre

“Kúwáanʼxu̱ rutaraʼa mu muthu̱u̱nxu xa̱bu̱ ga̱jma̱a̱ numuu mbáa Xa̱bu̱ Ñajunʼ. Lá naku̱ma̱ʼ ikháánʼ rí maʼngo̱o̱ mbáa Xa̱bu̱ Ñajunʼ maʼni gámbóo xúgíʼ dí ra̱májánʼ ráʼ.” Atatsíñaʼ rí xa̱bu̱ mariʼña̱a̱. Atani rí marmáʼáan a̱jkiu̱u̱n numuu tsajkhun rí nagumbiʼyuu padrenuestro, rí Jesús niʼsngúún xa̱bi̱i̱ mu munda̱ʼa̱ rí ma̱ʼkha̱ mbáa Xa̱bu̱ Ñajunʼ xúʼko̱ kaʼnii, ikhaa má Reino ndrígóo Dios. Atasngájmáá náa námbá ináa ndrígóo La Atalaya rí 1 gu̱nʼ octubre, ga̱jma̱a̱ atraxnuu ga̱jma̱ʼ rí e̱ʼkha̱ raʼthí náa agoo timbá graxe̱ ga̱jma̱a̱ atraxnuu mbá texto ndrígóo Biblia. Araxnáá revistas ga̱jma̱a̱ aratháán rí matangaán mbu̱júu̱ mu ma̱ta̱ya̱a̱ imbo̱o̱ graxe̱.

La Atalaya 1 gu̱nʼ octubre

“Kúwáanʼxu̱ rutamíjná mbégu̱ʼ gajmiúxu xa̱bu̱ ga̱jma̱a̱ numuu tsajkhun rí Jesús niʼsngúún xa̱bi̱i̱. [Atraxnuu Mateo 6:9, 10.] Lá nithanʼ mbá miʼtsu ndiéjunʼ nindxu̱u̱ Reino ndrígóo Dios, ga̱jma̱a̱ ndíjkha rí Jesús ndiʼyoo rí gíʼdoo wéñuʼ numuu rá. [Atatsíñaʼ rí xa̱bu̱ mariʼña̱a̱.] Revista rígi̱ nasngájma ndiéjunʼ eʼthí Biblia ga̱jma̱a̱ numuu Reino ndrígóo Dios ga̱jma̱a̱ xú káʼnii Xa̱bu̱ Ñajunʼ bugi̱ gáriʼkhu̱u̱ májánʼ wéñuʼ náa tsu̱du̱u̱ Ku̱ba̱ʼ.”

¡Despertad! Octubre

“Kúwáanʼxu̱ rumbáñun mbégu̱ʼ xa̱bu̱ mu muxkamaa xú káʼnii gáxti̱ʼña̱a̱ graxe̱ rígi̱. [Atasngájmáá inuu revista.] Lá natatsaʼwáminaʼ rí ndaʼyóoʼ maguaʼdáá wéñuʼ mu makuwáanʼ itháan májánʼ ráʼ. [Atatsíñaʼ rí xa̱bu̱ mariʼña̱a̱.] Náa Biblia naʼthí xú káʼnii gíʼmaa mbuʼyáá rí muguaʼdáá wéñuʼ. [Atraxnuu Lucas 12:15.] Xó má eʼthí náa Biblia, xúgínʼ xa̱bu̱ ma̱ndoo makuwa májánʼ. Revista rígi̱ naʼtháanʼ xóó itháan.”