Guxnámíjná tsiakii mámbáanʼ rí ikháanʼ mu muʼni ga̱jma̱a̱ xúgíʼ a̱jkiu̱lú ñajunʼ rí májánʼ wéñuʼ

Náa Hebreos 10:24 naʼthí: “Gíʼmaa muniʼnúnʼ májánʼ wéñuʼ eʼwíínʼ mu maxkaxáanʼlu maʼndulú kuʼñúún ma̱ngaa muʼni rí májánʼ”. Ma̱ndoo maxkaxi̱i̱n eʼwíínʼ a̱ngiu̱lú xkri̱da ndrígúlú ga̱jma̱a̱ índo̱ nusngajmá fe. Ikha jngó, á mu naguaʼdáá májánʼ experiencia náa nuʼtáraʼa, guʼthún eʼwíínʼ. Á mu nakuwáanʼ gagi numuu rí nuʼni ñajunʼ Jeobá, guʼni dí eʼwíínʼ mbuyáá. Mú xúʼni̱ mbríguáanʼ gajmiúlú asndu má xúʼni̱ mbríguií ga̱jma̱a̱ eʼwíínʼ a̱ngiu̱lú (Gál. 6:4). Guʼni mbá tsiakii dí mumbañún eʼwíínʼ mu ‹maʼndún kuʼñúún eʼwíínʼ ma̱ngaa muni rí májánʼ›, xúʼni̱ makumún dí guáʼdáá aʼkhún numuu ikhiin tséʼni dí májánʼ (Atayáá libro Benefíciese, ináa 158, kutriga̱ 4.) Á mu nuʼni rí maʼndulú kuʼyamijná, makujmaa índo̱ numbáñún a̱ngiu̱lú náa nda̱ñúnʼ o índo̱ nuʼtáraʼa (2 Cor. 1:24).