Xú káʼnii maraxnaxí i̱yi̱i̱ʼ

Dí muʼthá índo̱ gúxnaraʼa i̱yi̱i̱ʼ ndrígóo Conmemoración

“Naniguʼ rí mi̱dxu̱ʼ náa marigá mbá dí gíʼdoo wéñuʼ numuu. Maʼni 3 ñajunʼ gu̱nʼ abril, phú mbaʼin wéñuʼ xa̱bu̱ gágun bi̱ kuwa náa xúgíʼ tsu̱du̱u̱ numbaaʼ mu muniku̱ma̱a̱ rí nikháñu Jesucristo ga̱jma̱a̱ xáxtumáán dí matadxawíín mbá discurso rí nagájnuu náa Biblia dí xú káʼnii embáyuluʼ rí nikháñu. Invitación rígi̱ naʼthí náa hora gáʼni ga̱jma̱a̱ náa minaʼ gágimbáanʼxu náa xuajen rí kúwáanʼxu̱.”

Bi Nayejngoo 1 gu̱nʼ marzo

“Mbiʼi 3 ñajunʼ gu̱nʼ abril narámaʼ tsiguʼ rí nikháñu Jesucristo. Tikhun xa̱bu̱ bi̱ kuwa náa xuajñuxu muwáanʼ gajmiúxu̱ mu muniku̱ma̱a̱xu mbiʼi rígi̱. Mú, kuwa tikhun bi̱ nundxa̱ʼwa̱míjna̱ dí gíʼdoo numuu náa ikháanʼ dí nikháñu Jesús. Ndiéjunʼ tatsaʼwáminaʼ ikháánʼ rá. Lá natatsaʼwáminaʼ dí nikháñu ga̱jma̱a̱ dí nituxi̱i̱ Jesús nambáyulúʼ ráʼ. [Atatsíñaʼ rí xa̱bu̱ mariʼña̱a̱.] Atayáá dí eʼthí náa Ajngá rawunʼ Dios ga̱jma̱a̱ numuu rígi̱. [Atraxnuu 1 Corintios 15:22, 26.] Revista rígi̱ naʼthúlúʼ dí xa̱bu̱ bi̱ makuwá náa tsu̱du̱u̱ ku̱ba̱ʼ nda̱wa̱á ní xakháñun numuu rí Jesús nixnáximinaʼ.”

Libro ndrígóʼ náa na̱ʼkha̱ raʼthí ga̱jma̱a̱ numuu Biblia

“Wajtsaʼlo. Nadxuʼ rí nandoo na̱ʼkhá ka̱yo̱ʼ ajngáa rí májánʼ náa ikháánʼ. Lá nitraximínáʼ mbá míʼtsú á mu makuwáanʼ gagi nda̱wa̱á ráʼ. [Atatsíñaʼ rí xa̱bu̱ mariʼña̱a̱. Nda̱wa̱á atambáʼtá libro náa historia 115 ga̱jma̱a̱ atasngájmáá xtiʼkhu rí na̱ʼkha̱ ikhí. Ikhú atraxnuu raga̱jma̱ kutriga̱ ndrígóo historia.] Ndu̱ya̱a̱xu gajkhun dí rígi̱ mambanúu numuu rí Dios nakudaminaʼ maʼni. [Atraxnuu 2 Pedro 3:13.] I̱yi̱i̱ʼ rígi̱ niguma mu mambáyulúʼ xúgiáanʼ mbuʼyáá májánʼ rí Dios nandoo kaʼyulúʼ wéñuʼ ga̱jma̱a̱ rí naxmiéjunʼ kaʼyulúʼ. [Aratháán á mu nandoo matatsiʼñáʼ libro.]”