Gajmulú xó má eʼngo̱o̱ tsiakii dí gíʼdoo Ajngá rawunʼ Dios náa nuʼtáraʼa

Índo̱ mbáa xa̱bu̱ naʼdxawunlú náa nuʼtáraʼa, nuraxnuu mbájmbu náa Biblia. Náa numuu rá. Numuu rí nduʼyáá dí Ajngá rawunʼ Dios gíʼdoo wéñuʼ tsiakii. Náa asamblea rí mbá mbiʼi dí nirígá nákha timbá tsiguʼ nijuiʼthá rí gíʼdoo wéñuʼ numuu muʼni rígi̱ náa discurso dí nigumbiʼyuu “Usemos al máximo el poder de la Palabra de Dios en el ministerio”, dí nixná superintendente ndrígóo circuito. Guʼyáá rí phú nagájnuriyoʼ itháan.

• Náa numuu rí gíʼdoo itháan tsiakii Ajngá rawunʼ Jeobá ki xóo rí nuʼthá ikháanʼlu rá. (2 Tim. 3:16, 17.)

• Náa numuu nuʼthá rí Biblia naxkaxáanʼ muriʼkhumijná, nariʼkhu̱u̱ rí xú káʼnii mundxaʼwamíjna̱, ndaʼyoo ndiéjunʼ gíwáánʼ náa a̱jkiu̱lú ga̱jma̱a̱ naʼni jmbii rí eʼnilú rá. (Atayáá náa La Atalaya rí 15 ñajunʼ gu̱nʼ junio tsiguʼ 2012, ináa 27, kutriga̱ 7.)

• Índo̱ nuraxnuu texto ndrígóo Biblia náa nuʼtáraʼa, xú káʼnii gándoo gúʼthá mu xa̱bu̱ mbuyamajkuíí itháan Biblia rá. (Atayáá libro Benefíciese, ináa 148, kutriga̱ 3 ga̱jma̱a̱ 4, ma̱ngaa Nuestro Ministerio del Reino rí marzo tsiguʼ 2013, ináa 6, kutriga̱ 8.)

• Índo̱ guraxnuu mbóo texto ndrígóo Biblia, ndíjkha rí gíʼdoo numuu muʼthá ndiéjunʼ eyoo gáʼthi índo̱ nuʼtámíjná gajmiúlú xa̱bu̱ rá. Xú káʼnii gándoo gúʼni rá. (Hech. 17:2, 3; atayáá libro Benefíciese, ináa 154, kutriga̱ 4, asndu ináa 156, kutriga̱ 5.)