Ajngáa rígi̱ gíʼmaa magiwa̱nʼ náa a̱jkia̱nʼ

Ma̱ndoo muʼni mbríguií mbáa xa̱bu̱ bi̱ gíʼdiin e̱ji̱n xóo mbáa báxtúu. Xó má mbáa báxtúu nañewu̱u̱n mugiu̱u̱, bi̱ guáʼdiin e̱ji̱n gíʼmaa muñewu̱u̱n. Numuu rí migamíi maniñuʼ ranindxu̱u̱ Testigo ga̱jma̱a̱ mamínuʼ numuu rúʼko̱ xó má mbáa mugu̱ nandáti̱ga̱a̱ náa xaná (Prov. 27:23). Xú káʼnii gándoo gúñewu̱u̱n májánʼ e̱jñún bi̱ guáʼdiin rá. Gíʼmaa dí muriyaʼ mbiʼi mu mutamijná gajmiún e̱jñún. I̱ndó xúʼko̱ ma̱ndoo mbuyáá ndiéjunʼ endxaʼwamíjna̱ ga̱jma̱a̱ ndiéjunʼ gíwanʼ náa a̱jkiún (Prov. 20:5). Ma̱ngaa gíʼmaa mumbañún e̱jñún mu najmún Biblia, video ga̱jma̱a̱ i̱ʼwáʼ i̱yi̱i̱ʼ. Xúʼko̱ ikhiin maʼngu̱u̱n muraʼníí xkujndu dí narígá náa numbaaʼ xkawiʼ rígi̱ ga̱jma̱a̱ mani̱ndxu̱ún xóo dí na̱nguá ekha ga̱jma̱a̱ aguʼ (1 Cor. 3:10-15). Video rí Estas palabras tienen que estar en tu corazón na̱ʼkha̱ raʼthí dí gíʼdoo numuu dí xúniʼñáʼ ruʼnigajmaa mbá guʼwáanʼ. Gu̱ya̱a̱la mbá xúgiáanʼ ga̱jma̱a̱ nda̱wa̱á guriʼña̱a̱ graxe̱ rígi̱.

1) Náa numuu rí na̱nguá kuwa runi káxi̱ ñajunʼ Dios familia Román rá. 2) Náa numuu dí na̱nguá nigájnuu májánʼ índo̱ ndxájulú Román nigíʼ maʼnigajmaa gajmíi̱n bi̱ kuwa náa goʼwóo timbá aʼphu̱ rá. 3) Xó má e̱ʼkha̱ raʼthí náa Biblia, ndiéjunʼ gambáyuluʼ mu muʼsngúún e̱ji̱n rá. (Deut. 6:6, 7.) 4) Ndiéjunʼ gándoo maguma mu mutamijná májánʼ bi̱ kuwa náa mbá guʼwíin rá. 5) Ndiéjunʼ nindxu̱u̱ tikhuu rí gíʼmaa muniñaʼ runi bi̱ guáʼdiin e̱ji̱n mu muñewu̱u̱n rá. 6) Familia Vargas nimbañúún familia Román, xú káʼnii nimbañúún xá. (Prov. 27:17.) 7) Xú káʼnii gíʼmaa maʼnirataminaʼ bi̱ gíʼdiin e̱ji̱n á mu nandoo rí magajnúu májánʼ índo̱ gúnigajmaa mbá guʼwíin mu mbuyamajkuíí Jeobá rá. 8) Ndiéjunʼ niʼni ndxájulú Román mu maxtiʼkhu̱u̱ xú káʼnii kuwa xá. 9) Náa numuu rí gíʼmaa muʼnigajmaa má xúʼko̱ mbá guʼwáanʼ rá. (Efes. 6:4.) 10) Arathá tikhuu rí ma̱ndoo miʼni índo̱ miʼnigajmaa mbáa guʼwáanʼ. 11) Índo̱ Tomás niʼtámíjná ga̱jma̱a̱ a̱ʼdióo bi̱ giʼnii dí gíʼdoo numuu miʼni rí májánʼ, náa numuu rí májánʼ niʼni dí niʼthúu̱n mbájmbu ga̱jma̱a̱ rí tákiʼnáa índo̱ niʼthúu̱n xá. (Jer. 17:9.) 12) Xú káʼnii niʼni Tomás ga̱jma̱a̱ Mónica mu mumbayíí guáxiún mu mbaʼyoo xú káʼnii gáʼni ga̱jma̱a̱ Justin rá. (Mar. 12:30; 2 Tim. 2:22.) 13) Ndíjkha jngó gárata ikháánʼ rí Tomás ga̱jma̱a̱ Mónica nisngajma rí guáʼdáá fe índo̱ nánguá nindúún maguaʼdáá wéñuʼ rá. (Mat. 6:33.) 14) Xú káʼnii embáñun video rígi̱ bi̱ kuya̱ edxu̱u̱ náa mbá guʼwá rí gíʼmaa mumbañún bi̱ kuwa náa guʼwún mambaxúún gajmiún Dios rá. (1 Tim. 5:8.) 15) Ndiéjunʼ gíʼmaa muni bi̱ nuyegun edxu̱u̱ náa mbá guʼwá rá.

DÍ NAJUIʼTHÚN BI̱ GUÁʼDIIN E̱JI̱N: Nákha nirígá kixnáxe̱ ndaʼya rígi̱ náa asamblea rí ajtsú mbiʼi nákha tsiguʼ 2011, lá nitayáá dí ndayóoʼ maʼni itháan májánʼ índo̱ nunigajmaa mbáa guʼwáanʼ rá. Nda̱wa̱á dí nitayáá video rígi̱, lá nitayáá dí rígá i̱ʼwáʼ rí ma̱ndoo matani itháan májánʼ ráʼ. Aratháán Jeobá mambáyaʼ mu matani xúgíʼ rí gáʼyóóʼ mu matani káwíin bi̱ kuwa náa guʼwáaʼ (Efes. 5:15-17).