“Oh, Jeobá, i̱ndó ikháánʼ eku̱mu̱ʼ kayaʼ”

Gíʼdoo numuu rí makumulúʼ kuʼyáá Jeobá índo̱ kuwáanʼ májánʼ ga̱jma̱a̱ índo̱ nuraʼníí xkujndu (Sl 25:1, 2). Nákha siglo migiñuʼ tsiguʼ ginii, judíos bi̱ nikuwa náa Judá niraʼníí mbá xkujndu mingíjyúuʼ rí nisngájma á mu nikumu̱ún kuyáá Dios. Ma̱ngoo majmañulúʼ wéñuʼ rí nirígá ikhú (Ro 15:4). Nda̱wa̱á rí niguámbá video “Oh, Jeobá, i̱ndó ikháánʼ eku̱mu̱ʼ kayaʼ”, atriʼña̱a̱ graxe̱ rígi̱:

1. Ndiéjunʼ xkujndu mingíjyúuʼ niraʼnuu Ezequías rá.

2. Xú káʼnii niʼnimbánuu Ezequías ikha rí na̱ʼkha̱ náa Proverbios 22:3 índo̱ niʼnirataminaʼ mu maxmíjná gajmíi̱n xa̱bu̱ sia̱nʼ rá.

3. Náa numuu rí Ezequías táʼndoo gaxnáximinaʼ inún asirios ni ma̱ndo̱ʼo̱o̱ rí Egipto mambáyúu xá.

4. Náa numuu rí Ezequías nindxu̱u̱ mbá xkri̱da májánʼ mbuyaridáá cristianos rá.

5. Rí mbiʼi xúgi̱, xú káʼnii xkujndu gasngájma á mu nakumulú kuʼyáá Jeobá rá.

Ataniraʼmáʼ náa ikháánʼ ma̱ndoo matasnga̱jmá rí naku̱ma̱ʼ xtayáá Jeobá.