Mbá nuxi̱ʼ mekhu ga̱jma̱a̱ nuxi̱ʼ ku̱ba̱ʼ naʼni dí makuwáanʼ gagi

Majphú gajkhun nindxu̱u̱ rí nikudaminaʼ maʼni Dios náa Isaías 65 ikha jngó Jeobá naʼthí rígi̱ asndu xóo rí nimbánuu má.

Jeobá naʼni “nuxi̱ʼ mekhu ga̱jma̱a̱ mbá ku̱ba̱ʼ nuxi̱ʼ”, ní xarmáʼáan a̱jkiu̱lú ga̱jma̱a̱ numuu xúgíʼ rí ninújngoo

65:17

Ndiéjunʼ phú nindxu̱u̱ “nuxi̱ʼ mekhu” rá.

• Mbáa nuxi̱ʼ Xa̱bu̱ Ñajunʼ ma̱ʼkha̱ kayóo rí jmbu náa tsu̱du̱u̱ Ku̱ba̱ʼ.

• Nigíʼdu̱u̱ niʼtáñajunʼ tsiguʼ 1914, índo̱ Cristo ni̱jkha̱nú ninindxu̱u̱ rey náa Reino ndrígóo Dios.

Ndiéjunʼ eyoo gáʼthúu̱n “ku̱ba̱ʼ nuxi̱ʼ” rá.

• Xa̱bu̱ bi̱ naguwáʼ náa xúgíʼ xuajen, i̱ʼwáʼ ajngáa ga̱jma̱a̱ mbaʼa enii raza bi̱ nandún maʼtáñajúúnʼ Xa̱bu̱ Ñajunʼ bi̱ xtáa mekhuíí.

Ndiéjunʼ eyoo gáʼthúu̱n rí xarmáʼáan a̱jkiu̱lú ga̱jma̱a̱ numuu xúgíʼ rí ninújngoo rá.

• Xúgíʼ rí naʼni marmáʼáan a̱jkiu̱lú, xóo rí numíniiʼlu, maguanúu kidíiʼ.

• Xa̱bu̱ bi̱ naguáju̱n jmbu náa Dios makuwá tsímáá ga̱jma̱a̱ marmáʼáan a̱jkiu̱ún xúgíʼ rí gúni mámbá mbiʼi.