XÓO KUWÁANʼ BI̱ NI̱NDXU̱LÚ CRISTIANOS

Gajmañaaʼ marataráʼa májánʼ: Atani revisitas

NDÍJKHA RÍ GÍʼDOO WÉÑUʼ NUMUU: Mbaʼin xa̱bu̱ nandún mudxawíín numuu Reino bi̱ kuwa ruyáʼ dí gajkhun ga̱jma̱a̱ numuu Dios (Isa 55:6). Mú muʼsngúún má xúʼko̱, gíʼmaa mutanga̱ánʼ. Xa̱bu̱ nuraʼníí mixtiʼkhu xkujndu, ikha jngó xóo guʼsngún gíʼmaa maʼni mixtiʼkhu. Mú, maʼni itháán nagui̱i̱ á mu nuʼniratamijná májánʼ ga̱jma̱a̱ mbuʼyáá ndiéjunʼ eyulú muʼni náa revisita, mú xúʼko̱ mugíʼdi̱i̱ mbá curso bíblico.

Mbáa ndxájulú naʼnirataminaʼ mu maʼga̱ gáʼni revisita

XÚ KÁʼNII GÚʼNI:

A̱jmi̱i̱n a̱ngiu̱lú nuni mbá revisita ga̱jma̱a̱ nusngájma mbá video

Atanga̱án nacha̱, nguáthá mbiʼi nda̱wa̱á (Mt 13:19).
Araʼdáá gamajkuaʼ ga̱jma̱a̱ atani rí xaxmiéjuanʼ.
Ginii atraxi̱i̱. Aratháán xa̱bu̱ ga̱jma̱a̱ mbiʼyuu. Aratháán náa numuu rí natanga̱án: Mú matriʼña mbá graxe̱, mu maraxna revista rí nuxi̱ʼ, mu maratháan numuu ináa ndrígóo Internet, matasnga̱jmá mbá video o matasnga̱jmá xóo nindxu̱u̱ rí miʼsngáa ga̱jma̱a̱ numuu Biblia. Á mu xa̱bu̱ naʼtháanʼ rí naku̱mu̱u̱, atriʼkhu̱u̱ rí maratha (Flp 2:4).
Ataxtijyáʼ tsígáʼ rí nitádu náa a̱jkiu̱u̱n ga̱jma̱a̱ mbá texto ndrígóo Biblia o ga̱jma̱ʼ mbá i̱yi̱i̱ʼ (1Co 3:6). Atagíʼ mambaxáʼ májánʼ ga̱jma̱a̱ xa̱bu̱.
Atani májánʼ a̱jkiu̱u̱n matangaán.