Gajmañaaʼ marataráʼa májánʼ: Atagíʼdi̱i̱ arathá ajngáa guabaaʼ mbáa rúʼko̱ gáʼni rí maniñaaʼ marataráʼa

Jesús nindoo niʼtároʼoo mbáa a̱ʼgú samaritana numuu rí nigíʼdu̱u̱ niʼtámíjná gájmaa i̱mba̱ numuu. Xú káʼnii gándoo ikháanʼ mugíʼdi̱i̱ muʼtámíjná gajmiúlú xa̱bu̱ bi̱ tsíniʼnuʼ rá.

• Arathá ajngáa guabaaʼ ga̱jma̱a̱ aratamíjná gajmiáanʼ xa̱bu̱. Maski ajndu Jesús néʼngo̱o̱, mú niʼtámíjná ga̱jma̱a̱ a̱ʼgu̱, xú káʼnii niʼni xá. I̱ndó ninda̱ʼa̱ iyaʼ mu maga̱a̱n. Ikháán ma̱ndoo matagíʼdi̱i̱ ratraxi ga̱jma̱a̱ marata̱ rí xtáa rarígá, o mbá rí nirígá xíjkoo. Rí nandulúʼ mugíʼdi̱i̱ muʼtámíjná, ikha jngó arathá mbá rí maʼni muthi xa̱bu̱. Á mu tsejmáán, xaxmiéjuanʼ má. Atani mbu̱júu̱ʼ ga̱jma̱ʼ i̱mba̱ xa̱bu̱. Atanda̱ʼa̱a̱ Jeobá maxnáʼ tsiakii (Ne 2:4; Hch 4:29).

• Araxtaa xawii mu marata̱ ajngáa májánʼ rí maʼni Reino, mu xáʼchaʼ wéñuʼ. Atatsíñaʼ magajnúu májánʼ rí gárata. Rí matani ga̱jma̱a̱ tsiakii ma̱ndoo maʼni rí xa̱bu̱ xáʼdxuun ga̱jma̱a̱ rí ni xaʼthí itháan. Xájmáanʼ á mu tándoo gárata ga̱jma̱a̱ numuu Jeobá. Á mu naʼniaʼ mingíjyúuʼ marataráʼa, ginii atagíʼ maratamíjná gajmiáanʼ xa̱bu̱ mu xárataruʼúun. [Atagrígu video timbá ga̱jma̱a̱ arathá gajmiáanʼ bi̱ kuwa ikhí].

• Ataniminaʼ marataráʼa, arathá xú káʼnii nindxu̱u̱ rí nuʼnimbulúʼ, mu xa̱bu̱ maxkáʼxii maraxe̱. Rúʼko̱ rí niʼni Jesús, nixkáʼxii a̱jkiu̱u̱n samaritana, ga̱jma̱a̱ ikhaa nigi̱ʼdu̱u̱ niniuʼ graxe̱. Índo̱ Jesús niʼthúu̱n ga̱jma̱a̱ numuu Reino, i̱ndó ikhaa niriʼña̱a̱. [Atagrígu video a̱jma̱ ga̱jma̱a̱ arathá gajmiáanʼ bi̱ kuwa ikhí. Xúʼko̱ má gátani ga̱jma̱ʼ video dí maʼni ajtsú].