Gajmulú videos mu muʼsngúún ga̱jma̱a̱ xa̱bu̱ bi̱ nuʼnigajmaa gajmiúlú Biblia

Rí nduʼyáá naʼni rí manigulúʼ itháan ga̱jma̱a̱ nakru̱ʼu̱lú ma̱ngaa naʼni rí marmáʼáan rí nijuiʼsngúlú. Jeobá, bi̱ Naʼsngáaʼ itháan májánʼ, nijmuu mu maxnúlúʼ mbá májánʼ ikha rí gíʼdoo numuu (Gé 15:5; Jer 18:1-6). Ma̱ngaa nijmuu Jesús, bi̱ Naʼsngáa májánʼ wéñuʼ (Mt 18:2-6; 22:19-21). Mbá rí itháan nayambáá nindxu̱u̱ videos. Lá najmulú videos mu muʼsngúún bi̱ nunigajmaa gajmiúlú Biblia ráʼ.

Rí mbiʼi xúgi̱, kuaʼdáá mbá 10 videos rí mambáyulúʼ muʼsngáa ga̱jma̱a̱ numuu kíxnuu ndrígóo folleto Ajngáa rí májánʼ na̱ʼkha̱ náa Dios. Náa mbaʼa eni, título ndrígóo video kagujtuminaʼ ga̱jma̱a̱ mbáa graxe̱ rí skuniʼ ndrígóo folleto. Rí na̱ʼkha̱ náa ináa ndrígóo Internet na̱ʼkha̱ mámbá kíxnuu ndrígóo folleto rí naʼni marmáʼáan a̱jkiu̱lú nguáná gándoo gajmulú mámbá video. Ga̱jma̱a̱, rígá i̱ʼwáʼ videos rí na̱ʼkha̱ náa caja ndrígóo herramientas mu muʼsngáa ga̱jma̱a̱ numuu Biblia.

Lá naʼniuu gakhi̱i̱ makro̱ʼo̱o̱ mbá kiʼsngáa ndrígóo bi̱ narasngáá ga̱jma̱a̱ Biblia o xtáa ranújngoo ga̱jma̱a̱ mbá xkujndu gakhi̱i̱ dxe̱ʼ. Atayáá mbá video rí ma̱ndoo mambáyúu náa jw.org® o náa JW Broadcasting®. Mbáa najmáanʼ ma̱ndoo mbu̱ya̱a̱ video ga̱jma̱a̱ nda̱wa̱á mutamijná ndiéjunʼ ndi̱ya̱a̱.

Xúgíʼ gu̱nʼ nagájnuu videos nuxi̱ʼ. Índo̱ gáta̱ya̱a̱, atatsaʼwáminaʼ xú káʼnii gajmaaʼ mu marasngúún eʼwíínʼ xa̱bu̱.