Xú káʼnii gándoo gúʼniratamijná mu makuwáanʼ náa Conmemoración rá.

Tsiguʼ rígi̱ muguaʼdáá mba̱yu̱ʼ mbiʼi mu ma̱ndoo muʼniratamijná mu makuwáanʼ náa muniku̱ma̱a̱ rí nikháñu Cristo. Índo̱ gárígá Conmemoración tapo̱o̱ xmáná xárígá nimbá reunión Xóo kúwi̱i̱n ga̱jma̱a̱ xóo Etaraʼa, mú á mu narígá índo̱ naguámbá xmáná xanújngoo discurso ga̱jma̱a̱ i̱yi̱i̱ʼ Bi̱ Nayejngoo. Ndiéjunʼ gándoo muʼni mbiʼi rúʼko̱ rá. Rí mbiʼi xúgi̱, xó má narígá nákha siglo timbá, ndayóoʼ muʼniratamijná mu makuwáanʼ náa mbiʼi kiejunʼ rúʼko̱ (Lu 22:7-13; km 3/15 1). Mú xúgiáanʼ ndayóoʼ muʼniratáá ku̱ma̱ ndrígúlú ga̱jma̱a̱ a̱jkiu̱lú. Xú káʼnii gándoo gúʼni rá.

• Gundxa̱ʼwámi̱jna̱ ndíjkha jngó gíʼdoo wéñuʼ numuu rí makuwáanʼ ikhí (1Co 11:23-26).

• Guʼtákáñii Jeobá ga̱jma̱a̱ guʼyáá xú káʼnii embáxulú gajmiúlú ikhaa (1Co 11:27-29; 2Co 13:5).

• Guraxnuu ikha rí na̱ʼkha̱ náa Biblia rí naʼthí ga̱jma̱a̱ numuu Conmemoración ga̱jma̱a̱ guʼgíʼ makru̱ʼu̱lú rí naʼthí ikhí (Jn 3:16; 15:13).

Tikhun publicadores nuraxnuu lectura ndrígóo Biblia rí kaʼyoo náa Conmemoración rí na̱ʼkha̱ náa folleto Guʼnigajmaa tsejtsí mbiʼi Escrituras ga̱jma̱a̱ nundxaʼwamíjná rí naʼthí ikhí. Ga̱jma̱a̱ eʼwíínʼ nuraxnuu versículos rí na̱ʼkha̱ kawáá náa tabla. Eʼwíínʼ natangi̱i̱n nuraxnuu i̱yi̱i̱ʼ Bi̱ Nayejngoo náa naʼthí ga̱jma̱a̱ numuu Conmemoración ma̱ngaa náa naʼthí ga̱jma̱a̱ numuu ngajua rí Jeobá ga̱jma̱a̱ Jesús nisngajma náa ikháanʼ. Tséʼniuu má ndiéjunʼ nindxu̱u̱ rí gúraʼwíí muraxnuu, rúʼko̱ mambáyulúʼ mu makuwáanʼ mijngii náa Jeobá ga̱jma̱a̱ náa A̱ʼdióo.