“Gundxaʼwamíjna̱ má xúʼko̱ náa xúgíʼ rígi̱”

Ndiéjunʼ nindxu̱u̱ rá. Filipenses 4:8 naʼthúlúʼ rí mundxa̱ʼwa̱míjna̱ náa xúgíʼ dí nindxu̱u̱ gajkhun, dí gíʼdoo wéñuʼ numuu, dí jmbu, dí kaʼwu, rí májánʼ wéñuʼ, asndu xú káʼnii má dí guʼni, ga̱jma̱a̱ xúgíʼ rí naʼniaʼ matani rí májánʼ ga̱jma̱a̱ asndu káʼnii má dí kaʼyoo maʼga̱ gamajkhu. Maski ajndu bi̱ cristianos raʼkháa i̱ndó nundxaʼwamíjna̱ rí naʼsngáa náa Biblia, ikhiin nuʼnimíjna̱ mundxaʼwáá edxu̱ún rí naniguuʼ Jeobá, ikha jngó xúndxa̱ʼwa̱míjna̱lú náa rí maʼni makáguábáanʼ (Sl 19:14).

Maʼni mingíjyúuʼ muniʼñáaʼ rundxa̱ʼwa̱míjna̱ dí ra̱májánʼ. Mú ndayóoʼ maʼngulú muʼnimíjna̱ má xúʼko̱ ga̱jma̱a̱ aʼkhá ndrígúlú ma̱ngaa tsáʼkhá ndrígóo Gixa̱a̱, bi̱ nindxu̱u̱ “dios ndrígóo numbaaʼ rígi̱” (2Co 4:4). Numuu rí ikhaa naʼni xúgíʼ dí rígá náa numbaaʼ, tikhu rí ikhaa nindxu̱u̱ televisión, radio, Internet o i̱ʼwáʼ rí kuajtuminaʼ ga̱jma̱a̱ rí Jeobá tséniguuʼ. Migamíi mundxa̱’wa̱mijná rí xkawiʼ, rúʼko̱ gáʼni muʼni dí ra̱májánʼ. Ikha jngó gíʼmaa muñewa̱a̱n rí murajkuá náa edxu̱lú (Snt 1:14, 15).

ATAYÁÁ VIDEO GUʼNI GAʼDUUNʼ RÍ MAʼNI MAKÁGUABÁANʼ: NÁA MUʼNI GAGIMIJNÁ GA̱JMA̱A̱ RÍ NINDXU̱U̱ RA̱MÁJÁNʼ, GA̱JMA̱A̱ ATRIʼÑA̱A̱ GRAXE̱ RÍGI̱:

• 

  Ndiéjunʼ eʼyoo ndxájulú náa celular ndrígóo ga̱jma̱a̱ káʼnii rí nigíʼnuu xá.

• 

  Xú káʼnii nimbáyúu rí naʼthí náa Gálatas 6:7, 8 ga̱jma̱a̱ Salmo 119:37 xá.