Lá ma̱ndoo marata̱ ikháán náa numuu rí naku̱ma̱ʼ xtayáá Dios rá.

Á mu mbáa naraxa̱ʼ náa numuu rí naku̱ma̱ʼ xtayáá Dios, ndiéjunʼ gáratha̱a̱n xá. Mu ma̱ndoo matriʼñáá májánʼ, rígá a̱jma̱ rí gíʼmaa matani. Timbá, gíʼmaa ma̱ta̱ya̱a̱ gajkhun rí Jeobá niʼniwíi xúgíʼ dí rígá (Ro 12:1, 2). Nda̱wa̱á, atatsaʼwáminaʼ májánʼ xóo gáratha̱a̱n ga̱jma̱a̱ numuu rí natanimbaaʼ (Pr 15:28).

MU MA̱NDOO MBUʼYÁÁ NDIÉJUNʼ RÍ EXKAXI̱I̱N TIKHUN XA̱BU̱ MBUYÁÁ RÍ XTÁA MBÁA BI̱ NIʼNIWÍI, ATAYÁÁ VIDEO MBÁA DOCTORA CIRUJANA BI̱ NAʼNI̱I̱ ITSU̱ NAʼNIMBO̱O̱ NÁA DIOS GA̱JMA̱A̱ MBÁA BI̱ NAʼNIGAJMAA̱ NUMÚN XUJKÚʼ NAʼNIMBO̱O̱ NÁA DIOS. NDA̱WA̱Á ATRIʼÑA̱A̱ GRAXE̱ RÍGI̱:

• 

  Ndíjkha jngó naʼnimbo̱o̱ Irène Hof Laurenceau náa rí nigumawíi raʼkháa náa evolución rá.

• 

  Ndíjkha jngó naʼnimbo̱o̱ Yaroslav Dovhanych náa rí nigumawíi raʼkháa náa evolución rá.

• Xú káʼnii gáratha̱a̱n mbáa á mu naraxa̱ʼ náa numuu rí natanimbaaʼ náa rí nigumawíi rá.

• Náa biʼyaa i̱yi̱i̱ʼ rí nagájnuu náa xuajñuu Jeobá ma̱ndoo mambáyaʼ mu marathu̱u̱n eʼwíínʼ xa̱bu̱ rí gajkhun xtáa mbáa bi̱ niʼniáanʼ rá.