Xóo gugíʼdi̱i̱ muʼthá índo̱ gájmulúʼ tratados

Asndu nákha enero tsiguʼ 2018, I̱yi̱i̱ʼ dí najmulú náa Reunión, náa timbá ináa na̱ʼkha̱ xkri̱da xóo muʼtámíjná gajmiúlú xa̱bu̱. Najuiʼtúlú rí itháan májánʼ muʼtámíjná gajmiúlú xa̱bu̱ ki xóo rí muxnún i̱yi̱i̱ʼ. Náa videos rí nanújngoo náa “Xkri̱da xóo marataráʼa”, ikhí nasngájmulúʼ xú káʼnii gugíʼdi̱i̱ muʼtámíjná gajmiúlú xa̱bu̱ ga̱jma̱a̱ numuu Biblia. Lá rígi̱ eyoo gáʼthi rí xándoo majmuluʼ nimbá i̱yi̱i̱ʼ náa najkhua guʼtáraʼa mambá guʼwá rá. Na̱nguá, raʼkháa xúʼko̱. Mbá xkri̱da, tratados ma̱ndoo mambáyulúʼ wéñuʼ mu muʼtámíjná gajmiúlú xa̱bu̱. Índo̱ gájmulúʼ gúʼni rígi̱:

1. Muʼni graxe̱ rí na̱ʼkha̱ náa timbá ináa ga̱jma̱a̱ muniʼñáaʼ rí xa̱bu̱ maraʼwíí rí naxtiʼña̱a̱.

2. Musngajmáá texto rí na̱ʼkha̱ náa edxu̱u̱ dí raga̱jma̱ ináa. Á mu naguaphaa xa̱bu̱, ma̱ndoo muraxnuu ga̱jma̱a̱ muʼthán rí naʼthí náa tratado.

3. Muxnáá tratado xa̱bu̱ ga̱jma̱a̱ muʼthán rí maguxnuu índo̱ gáguaphaa.

4. Nákha xóó tsejkhualú, gusngajmáá xa̱bu̱ rí na̱ʼkha̱ raʼthí náa kama ajngáa “Atraxi̱mínáʼ” ga̱jma̱a̱ muʼthán rí matangaán imbo̱o̱ mbiʼi mu muriʼña̱a̱ ga̱jma̱a̱ Biblia.

Índo̱ gátangaánʼ, gúriʼña̱a̱ graxe̱ ga̱jma̱a̱ guniʼñáanʼ i̱mba̱ mu muriʼña̱a̱ imbo̱o̱ mbiʼi. Ma̱ndoo muraʼwíí mbá graxe̱ náa ináa ndrígóo Internet o i̱yi̱i̱ʼ rí kama náa naguámbá tratado. Índo̱ gándoo, gúxnaxí folleto Ajngáa rí májánʼ na̱ʼkha̱ náa Dios o asndu biʼyáá má i̱yi̱i̱ʼ rí na̱ʼkha̱ náa caja ndrígóo herramientas mu muʼsngáa ga̱jma̱a̱ numuu Biblia.