Lá natanigajmaa májánʼ folleto Guʼnigajmaa tsejtsí mbiʼi Escrituras ráʼ.

Lá natraxnuu xúgíʼ mbiʼi texto ndrígóo Biblia ga̱jma̱a̱ comentario rí na̱ʼkha̱ náa folleto Guʼnigajmaa tsejtsí mbiʼi Escrituras ráʼ. Á mu tseguʼwaanʼ matraxnuu, lá ma̱ndoo matagíʼdi̱i̱ matraxnuu ráʼ. Mbaʼin nuraxnuu miʼcha̱ mu xúʼko̱ ma̱ndoo mundxaʼwami̱jna̱ índo̱ kúwi̱i̱n ruñajunʼ xúgíʼ mbiʼi (Jos 1:8; Sl 119:97). Xú káʼnii gándoo gákruaʼaaʼ májánʼ texto rí kaʼyoo mambá mbiʼi rá. Atraxnuu texto rí na̱ʼkha̱ ikhí mu ma̱ndoo makruaʼaaʼ májánʼ. Atatsaʼwáminaʼ náa mbá relato ndrígóo Biblia dí na̱ʼkha̱ náa texto rí kayá edxu̱u̱. Nda̱wa̱á atagíʼ matani rúʼko̱ náa vida ndrígáʼ. Índo̱ nuraʼwíí mbá rí muʼni ga̱jma̱a̱ najmulú Ajngá rawunʼ Dios, nuni̱ʼñánʼ dí rígi̱ maxnúlúʼ ikha ga̱jma̱a̱ xúʼko̱ mambáyulúʼ (Sl 119:105).

Bi̱ kuwa náa Betel náa xúgíʼ numbaaʼ najuiʼsngúún índo̱ nunigajmaa mambá miʼcha̱ folleto Guʼnigajmaa tsejtsí mbiʼi Escrituras índo̱ kuwa ruphiʼtsu. Náa iwáá tsiguʼ rí ninújngoo, rí nunigajmaa mambá miʼcha̱ nagájnuu náa JW Broadcasting^® mbaʼa video PROGRAMAS ESPIRITUALES. Náa mbiʼi rí nitayáá iwáá video rígi̱ rá. Mbáa ikhaa rígi̱ rí phú nandaaʼ matadxawíín. Guʼyáá xú kaʼnii gambáyuluʼ rí nigíʼnuu Lot náa xkri̱da rígi̱.

NDA̱WA̱Á RÍ NITAYÁÁ VIDEO XÁʼNDULÚ KUʼYÁÁ NUMBAAʼ (1JN 2:15), ATRIʼÑA̱A̱ GRAXE̱ RÍGI̱:

• Ndiéjunʼ ikha rí na̱ʼkha̱ náa Biblia nijmaa náa nunigajmaa mambá miʼcha̱ xá.

• Ndiéjunʼ eʼsngúlúʼ relato ndrígóo Lot rí gamíi maʼndulú kuʼyáá numbaaʼ o dí rígá náa numbaaʼ rá. (Gé 13:12; 14:12; 19:3, 12, 13, 24-26).

• Xú kaʼnii esngajmá rí nandulú kuʼyáá Jeobá raʼkháa numbaaʼ ga̱jma̱a̱ rí naxnáraʼa rá.