Ma̱ndoo majmaaʼ mbiʼi ga̱jma̱a̱ tsiakii ndrígáaʼ ráʼ.

Xtáa rambánuu rí niʼtáriyaʼ Isaías numuu rí xuajñuu Jeobá dí rígá náa ku̱ba̱ʼ na̱jkha̱ ra̱ja̱a̱ nacha̱ wéñuʼ (Is 54:2). Ikha jngó ndayóoʼ wéñuʼ Guʼwá náa nagimbáanʼ, Guʼwá náa narígá Asambleas ga̱jma̱a̱ mbaʼa sucursal. Nda̱wa̱á dí niguma ndayóoʼ rí maguma kaʼwi̱i̱, maguma májáanʼ náa rí naʼñuu. Á mu nuyambáá náa xúgíʼ rígi̱, ikhí ma̱ndoo muxnáá tsiakii ga̱jma̱a̱ mbiʼi ndrígúlú Jeobá. Mbá xkri̱da:

• Ma̱ndoo muñambáá mu maguma kaʼwi̱i̱ Guʼwá náa nagimbáanʼ gajmiu a̱ngiu̱lú.

• Ma̱ndoo mundrígú rí majuiʼsngúlú xóo maguma májáanʼ Guʼwá náa nagimbáanʼ.

• Ma̱ndoo muʼni majthíí Solicitud mu muyambáá náa naguma guʼwá (DC-50) ga̱jma̱a̱ náa naguma májáanʼ.

• Ma̱ndoo muʼni majthíí Solicitud mu muyambáá náa Betel (A-19) mu ma̱ndoo muñejunʼ mbá xmáná o itháán náa Betel o náa i̱ʼwáʼ guʼwá dí kaʼyoo sucursal ndrígúlú.

NDA̱WA̱Á RÍ NITAYÁÁ VIDEO MBÁ NUXI̱ʼ ÑAJUNʼ XÓO MAGUMA GUʼWÁ (MBÁ XUÍʼTÓO), ATRIʼÑA̱A̱ GRAXE̱ RÍGI̱:

• Xú káʼnii nijmaa itháán video asndu nákha tsiguʼ 2014 rá.

• Mu ma̱ndoo maguma video rí ndayúlú, ndiéjunʼ guʼwá rí ndayóoʼ maguma ga̱jma̱a̱ nguáná gaguma gájxu̱u̱ rá.

• Xú káʼnii gándoo muni bi̱ nuyambáá mu maguma guʼwá rígi̱ rá.

• Mu ma̱ndoo muʼguá gúyambáá náa Rámapo mu maguma guʼwá, náa numuu dí ndayóoʼ muni majthíí solicitud DC-50 ga̱jma̱a̱ muñambáá náa ñajunʼ dí nuni LDC rá.

• Xú káʼnii ekujmaa rí Jeobá xtáa rayambáá náa naguma ñajunʼ rígi̱ rá.

• Xú káʼnii gándoo gúyambáá náa naguma guʼwá rígi̱ á mu tséʼngo̱o̱ gúʼgualú rá.