Jiáma ga̱jma̱a̱ wa̱ʼxa̱ʼ, lá Jeobá nindxu̱u̱ bi̱ nambáxalaʼ májánʼ gajmiála rá’.

Ndiéjunʼ rí nandaaʼ matayaa náa mígiaʼ rá. Mbáa nandaaʼ rí mani̱ndxu̱u̱ jmbii, májáanʼ a̱jkiu̱u̱n ga̱jma̱a̱ rí tséjmídúu. Xúʼko̱ nindxu̱u̱ Jeobá (Éx 34:6; Hch 14:17). Ikhaa naʼdxaun índo̱ naratájkáan ga̱jma̱a̱ nambáyaʼ índo̱ nda̱yáaʼ (Sl 18:19, 35). Ma̱ngaa naʼni mba̱a̱ a̱jkiu̱u̱n kaʼyáʼ índo̱ nakiéʼkháanʼ (1Jn 1:9). ¡Ra̱ʼkhá tháán májáanʼ nindxu̱u̱ Jeobá!

Xú káʼnii gándoo gambaxáʼ ga̱jma̱a̱ʼ Jeobá rá. Mambaxáʼ ga̱jma̱a̱ʼ á mu natraxnuu Biblia ga̱jma̱a̱ rí maku̱ma̱ʼ xtayáá (Sl 62:8; 142:2). Atasngájma rí natayamajkuíí rí gíʼdoo numuu eʼyoo Jeobá, xóo A̱ʼdióo, Reino ga̱jma̱a̱ rí nakudaminaʼ maʼni nda̱wa̱á ma̱ngaa arathún eʼwíinʼ ga̱jma̱a̱ numuu ikhaa (Dt 32:3). Á mu nambáxa̱ʼ májánʼ ga̱jma̱ʼ Jeobá ikhaa mani̱ndxu̱u̱ mígiaʼ asndu kámuu mbiʼi (Sl 73:25, 26, 28).

NDA̱WA̱Á RÍ NITAYÁÁ VIDEO JIÁMA GA̱JMA̱A̱ WA̱ʼXA̱ʼ “GANIGUA̱LA GA̱JMA̱A̱ GU̱YA̱A̱ RÍ JEOBÁ NINDXU̱U̱ MÁJÁÁNʼ”, ATRIʼÑA̱A̱ GRAXE̱ RÍGI̱:

• 

  Xú káʼnii gándoo gáraxtaa xawii mu maraxnaxíminaʼ náa Jeobá ga̱jma̱a̱ rí majnguáanʼ iyááʼ rá.

• 

  Xú káʼnii gándoo gumbayaaʼ bi̱ kúwá náa congregación mu matani itháan májánʼ ñajuunʼ Jeobá rá.

• 

  Xú káʼnii gámbáyaʼ dí marataráʼa mu mambaxáʼ itháan ga̱jma̱a̱ʼ Jeobá rá.

• 

  Ndiéjunʼ ñajunʼ dí rígá náa xuajñuu Jeobá ma̱ndoo matani ikháán rá.

• Ndiéjunʼ rí nanigua̱ʼ itháan náa Jeobá rá.