Rígá mbá awan xóo majuiʼtáraʼa náa xúgíʼ numbaaʼ

Rí mbiʼi xúgi̱ Jeobá xtáa ragíʼ awan náa xuajñuu mu maʼnimbánuu rí nandoo, xóo má niʼni gajmíi̱n israelitas. Rí xúgi̱ najmuu mbaʼa sucursal, xóo circuito, congregación, náa nawi̱i̱n mbá chímbaʼin a̱ngiu̱lú náa xúgíʼ numbaaʼ mu muriyaʼ awan dí magajnún mu muʼtáruʼun xúgínʼ xa̱bu̱ ajngáa rí májánʼ, asndu mangiin bi̱ nuthi imbo̱o̱ ajngáa (Ap 14:6, 7).

Lá nitatsaʼwáminaʼ majmañaaʼ imbo̱o̱ ajngáa mu marasngúún eʼwíinʼ xa̱bu̱ dí gajkhun ráʼ. Á mu raxtáʼdaa mbiʼi mu majmañaaʼ, mbáa ma̱ndoo majmaa mbá presentación rí ramíʼskhoo dí na̱ʼkha̱ náa aplicación JW Language. Índo̱ gajmaaʼ presentación rúʼko̱, maraxtaa gagi xó má nikumu̱ún a̱ngiu̱lú bi̱ nikúwá nákha timbá siglo índo̱ nisngúún ga̱jma̱a̱ ajngún xa̱bu̱ bi̱ niguwáʼ i̱mba̱ ni̱ʼkha̱ xuajen “ga̱jma̱a̱ numuu rí májánʼ rí maʼni Dios” (Hch 2:7-11).

NDA̱WA̱Á RÍ NITAYÁÁ VIDEO GAMBAXÁʼ GA̱JMA̱ʼ JEOBÁ: ARATARÁʼA NÁA I̱MBA̱ AJNGÁA, ATRIʼÑA̱A̱ GRAXE̱ RÍGI̱:

• 

  Nguáná gándoo majmulú aplicación JW Language rá.

• 

  Xú káʼnii nindxu̱u̱ aplicación rígi̱ rá.

• 

  Dí ajngáa ethi xa̱bu̱ náa territorio ndrígúlú rá.

• Dí gándoo muʼni á mu mbáa xa̱bu̱ bi̱ naʼthí imbo̱o̱ ajngáa nanigu̱u̱ʼ maʼdxun ga̱jma̱a̱ numuu Reino rá. (od-S 100 kutriga̱ 39-41).