Gakumulú xóo ekumu̱ún xa̱bu̱

Rí makumulú xóo ekumu̱ún eʼwíinʼ nandoo gáʼthúu̱n rí mbuʼyáá xóo endxaʼwamíjna̱, rí gíʼdoo numuu eyáá ikhiin, rí nakumu̱ún ma̱ngaa rí nda̱ñúunʼ. Eʼwíinʼ xa̱bu̱ naʼngo̱o̱ nduyáá índo̱ ikháanʼ nakumulú xóo ekumu̱ún ikhiin, á mu gajkhun nandulú mumbañún musngajmálú rí nakumulú xóo ikhiin. Índo̱ nuʼni xígi̱ kaʼnii náa nutaraʼa, kuwáanʼlu rusngajmá rí nandulú kuʼñúún xa̱bu̱ xó má eʼni Jeobá, rúʼko̱ gaʼni rí xa̱bu̱ maʼndún muniʼniiʼ Ikhaa (Flp 2:4).

Ra̱ʼkhá i̱ndó gíʼmaa musngajmá rí nakumulú xóo ekumu̱ún eʼwíinʼ índo̱ nusngáa, ma̱ngaa gíʼmaa musngajmá índo̱ nuʼdxawíín, índo̱ nuʼthá, ma̱ngaa xóo eʼni inulu. Rígá mbaʼa enii xóo ma̱ndoo musngajmá: Maxmiéjunlú kuʼñúún gajkhun, rí mbuyáá rí naniguuʼ, dí nunimbu̱ún, xóo kúwá, muxnún consejos ga̱jma̱a̱ mumbaʼñún, mú tsíyóoʼ mutsuʼdi̱i̱nlú. Índo̱ xa̱bu̱ nandún rí mumbáñúnlú nakuwáanʼlú gagi náa nutaraʼa.

NDA̱WA̱Á RÍ NITAYÁÁ VIDEO RÍ MUʼSNGÚÚN XA̱BU̱ NAʼNI RÍ MAKUWÁANʼ GAGI. GAJMAÑULÚ MUʼSNGÁA MÁJÁNʼ: GAKUMULÚ XÓO EKUMU̱ÚN XA̱BU̱, ATRIʼÑA̱A̱ GRAXE̱ RÍGI̱:

• 

  Xú káʼnii nisngájma Rita rí nikumu̱u̱ xóo eku̱mu̱u̱ imba̱a̱ índo̱ Coral ni̱ʼkha̱nú wakíʼ rá.

• 

  Xú káʼnii nisngájma Rita rí nikumu̱u̱ xóo eku̱mu̱u̱ imba̱a̱ índo̱ Coral niʼthí rí néʼngo̱o̱ wéñuuʼ mu maʼnigajmaa rá.

• 

  Xú káʼnii nisngájma Rita rí nikumu̱u̱ xóo eku̱mu̱u̱ imba̱a̱ índo̱ Coral niʼthí rí na̱nguá gíʼdoo májánʼ awan náa goʼwóo rá.